काठमाडौं, १६ कात्तिक । मंसिर ४ गते हुने प्रतिनिधि तथा प्रदेशसभा सदस्य निर्वाचनका लागि राजनीतिक दलहरुले घोषणापत्र सार्वजनिक गर्ने क्रम जारी छ । सत्तारुढ नेकपा माओवादी केन्द्रले कृषि क्षेत्रमा नमूना कार्यक्रमदेखि लोकतान्त्रिक गणतन्त्रको रक्षा एवम् आगामी सरकार निर्माणसम्मका योजना प्रतिबद्धतापत्रमा व्यक्त गरेको छ । यसअघि २०७४ सालको निर्वाचनमा नेकपा एमाले र माओवादीले संयुक्त घोषणापत्र जारी गरेको थियो भने यो पटक माओवादी केन्द्रले एकल रुपमा चुनावी घोषणापत्र सार्वजनिक गरेको हो ।

नेकपा माओवादी केन्द्रले मंसिर ४ गते हुने प्रतिनिधि तथा प्रदेशसभा सदस्य निर्वाचनका लागि प्रतिबद्धतापत्र सार्वजनिक ग¥यो । माओवादी केन्द्रले नेपाली विशिष्टतामा आधारित नेपाली मोडलको २१ औं शताब्दी अनुरुपकाृ समाजवाद निर्माण गर्ने उद्देश्यका साथ राष्ट्रिय सार्वभौमिकता, स्वाधिनता, लोकतन्त्रको रक्षा, परिमार्जनक र विकास सामाजिक न्यायसहितको समृद्विको प्रािप्त लगायतका मुख्य मुद्दा बनाएको छ । समाजवादको आधार निर्माण, नेपाली मौलिकताको समाजवाद स्थापना रणनीतिक लक्ष्य लिदै त्यस दिशामा अभिमुखीकरण र संक्रमणकालीन न्य ायसँग सम्बन्धित शान्ति प्रक्रियाको बाँकी काम पुरा गर्नु तात्कालीन प्राथमिकता रहेको माओवादी केन्द्रले जनाएको छ । माओवादी केन्द्रले समृद्विका लागि क्रमभंगता ः सामाजिक न्यायसहितको समृद्वि ऐतिहासिक राजनीतिक परिवर्तनको निर्देशन समाजको आवश्यकता र जनताको अपेक्षा अनअुसार समृद्विले गुणात्मक फड्को मार्न नसकेको औल्याएको छ । विकास र समृद्विको सुस्त र सिमित प्रकृतिको परम्परागत गतिको निरन्तरता तोडेर गुणात्मक फ्को मार्नुपर्ने उद्देश्य रहेको माओवादी केन्द्रले जनाएको छ ।

देशमा लामो समयदेखि भोग्नु परेको बेरोजगारीको समस्या, बढ्दो आयात र उच्च व्यापार घाटा, न्यून पूजीगत खर्च जस्ता समस्या समाधान साधारण प्रयासबाट सम्भव नहुने माओवादीले बताएको छ । कृषि क्षेत्रको रुपान्तरण, औद्योगिकरण, पर्यटन प्रवद्र्धन, जलस्रोतसहित दीगो विकास, वित्तिय क्षेत्रको सुधार तथा सम्मानजनक रोजगारीका लागि कार्यक्रमको प्रभावकारी कार्यान्वयन हुनुपर्ने जस्ता कार्यक्रम माओवादी केन्द्रको घोषणापत्रमा उल्लेख छ । देशलाई लोडसेडिङमुक्त बनाउने, ठूला विकास आयोजनाहरुको कार्यान्वयनमा तिव्रता दिने, राष्ट्रिय मुद्दाहरुमा विभिन्न शक्तिहरुलाई एकता प्रक्रियामा ल्याउने र प्रतिगमनलाई परास्त गर्नेमा भूमिका खेल्ने माओवादी केन्द्रले जनाएको छ ।

आगामी निर्वाचनका लागि राजनीतिक दलहरुले आम मतदाता समक्ष आ–आफ्नो प्रतिबद्वतापत्र व्यक्त गरिरहेका छन् । गठबन्धनमा प्रभावकारी भूमिका खेल्दै आएको माओवादी केन्द्रले आगामी निर्वाचनका लागि प्रतिबद्वता व्यक्त गरेको छ । निर्वाचनमा व्यक्त गरेको प्रतिबद्धता सत्तामा गएपछि कार्यान्वयनका लागि दलहरु प्रतिबद्व हुन सक्नुपर्दछ ।