काठमाडौं, २१ कात्तिक । आगामी मंसिर ४ मा हुने निर्वाचनमा प्रतिनिधी सभाका लागि भक्तपुरमा दुईवटा निर्वाचन क्षेत्र रहेको छ । दुईवटा निर्वाचन क्षेत्र रहेको भक्तपुरमा क्षेत्र नम्बर १ लाई नेपाल मजदुर किसान पार्टीको गढ मानिन्छ भने क्षेत्र २ नम्बरमा कहिले नेपाली कांग्रेस, कहिले नेकपा एमाले त कहिले नेपाल मजदुर किसान पार्टीका उम्मेदवारले जित्दै आएका छन् । यसपटक पनि राजनीतिक दलहरुले आफ्नो चुनावी घोषणपत्रमा पर्यटनको पूर्वाधार, औद्योगीकरणको अभियान, संस्कृति संरक्षण, सरसफाइ, वातावरण संरक्षण, उज्यालो भक्तपुर, भष्टाचार मुक्त, स्वरोजगार उन्मुख भक्तपुर दलहरुको मुख्य एजेन्डा बनाएका छन् ।

मंसिर ४ गते हुने आम निर्वाचनमा प्रतिनिधि सभाका लागि भक्तपुरमा दुईवटा निर्वाचन क्षेत्र रहेको छ । निर्वाचनको मिति नजिकिएसँगै प्रचारप्रसार व्यस्त रहेका दलहरु एकअर्काको कमजोरी देखाउदै मतदातामाझ मत मागिरहेका छन् । यसअघिका निर्वाचनमा समेत काँग्रेस, नेमकिपा र एमालेबीच त्रिपक्षीय प्रतिस्पर्धा भएको थियो । यसपटक पनि यहाँ काँग्रेस, एमाले र नेमकिपाबीच मुख्य प्रतिष्पर्धा हुने भएको छ । भक्क्तपुर क्षेत्र नम्बर २ मा नेकपा एमालेबाट महेश बस्नेत, सत्ता गठबन्धनका तर्फबाट दुलर्भ थापा र नेपाल मजदुर किसान पार्टी अनुराधा थापा मगर सहित २६ जनाको उम्मेदवारी रहेको छ । जसमध्ये स्वतन्त्र मात्रै ११ जना रहेकाछन ।

यस्तै भक्तपुर क्षेत्र नम्बर २ नेपाली कांग्रेसको गढ नै मानिन्थ्यो । २०७४ सालको प्रतिनिधिसभा चुनावअघिका सबैजसो चुनाव नेपाली कांग्रेसले नै जितेको थियो । तर २०७४ को प्रतिनिधिसभा चुनावमा पहिलो पटक एमाले नेता महेश बस्नेतले कांग्रेस उम्मेदवारलाई हराएका थिए । २०७४ मा एमालेका महेश बस्नेतले पाएको मत उनका प्रतिद्वन्दी भन्दा झन्डै दोब्बर मतले पराजित गरेका थिए । २०७४ मा एमाले र माओवादी केन्द्र मिलेका कारण बस्नेतलाई सहज भए पनि यसपाली भने उनलाई त्यति सहज छैन । ०७४ मा उनले केही साना र क्षेत्रीय दल सहित माओवादी केन्द्रको साथ पाएका थिए । तर, यसपटक भने माओवादी र एकिकृत समाजवादी पनि कांग्रेससहितको पाँच दलीय गठबन्धनमा रहेकाले बस्नेतलाई जितका लागि सहज देखिदैन । नेकपा एमालेका प्रतिनिधि सभाका सदस्यका उम्मेदवार महेश बस्नेतले पाँचवर्षे कार्यकालमा गरेका विकास निर्माणका कामकै कारण मतदाताले आफूलाई दोहो¥याउने विश्वास गर्छन् ।

पाँच वर्षमा भक्तपुर क्षेत्रमा गरेको विकासलाई हेरेर जनताले मूल्यांकन गने उनको दाबी छ । सत्ता गठबन्धनका तर्फबाट साझा उम्मेदवार दुलर्भ थापाले भक्क्तपुर परम्परा देखि कांगे्रसको क्षेत्र रहेको बताउछन । थापाले गठबन्धनका तर्फबाट साझा उम्मेदवार बनेर जनताका साझा मुद्दा उठाएकाले सबैको साथ पाउने विश्वास व्यक्त गरे । भक्क्तपुरका मतदाताले एउटै उम्मेदवार दोहो¥याएको इतिहास नरहेको भन्दै विशेष रणनीतिका साथ चुनावमा जुटेको र जनताले आफुलाइ निर्वाचित गर्ने दाबी गरे । आगामी चुनावको लागि एमालेको तर्फबाट बस्नेत र नेमकिपाबाट मगर नै मैदानमा भए पनि कांग्रेसका तर्फबाट भने दुर्लभ थापा क्षेत्री छन । दुवै प्रतिद्वन्दी आफ्नो पक्षमा माहौल बनाउन मतदाताको घर दैलोमा पुगिरहेका छन । विशेषगरी कुनै पार्टीमा नदेखिएको स्वतन्त्र भोट, राप्रपा, नेमकिपा जस्ता साना दलसँग निकट भएको भोट तथा सुकुम्बासीको भोट आकर्षित गर्न थापा र बस्नेतको प्रयास जारी देखिन्छ ।