कतारमा जारी फिफा विश्वकप फुटबल अन्तर्गत तेस्रो स्थानका लागि भएको खेलमा क्रोएसिया विजयी भएको छ । मोरक्कोलाई २–१ गोलको नतिजमा पराजित गर्दै क्रोएसिया कतारमा जारी फिफ विश्वकप २०२२ मा तेस्रो भएको हो ।

खलिफा रंगशालामा सम्पन्न तेस्रो स्थानको प्लेअफमा मोरक्कोलाई हराएसँगै साविक उपविजेता क्रोएसियाले विश्वकप २०२२ का कास्य पदक जितेको हो ।

क्रोएसियालाई जित दिलाउन जोस्को भार्डियोल र मिस्लाभ ओर्सिचले गोल गरे । मोरक्कोका असरर्फ दारीले एक गोल गरे ।

खेलको सातौं मिनेटमा भार्डियोलले गोल गर्दै क्रोएसियालाई सुरुआती अग्रता दिलाएका थिए । त्यसको दुई मिनेट नबित्दै मोरक्कोका दारीले बराबरी गोल फर्काए ।

पहिलो हाफ सकिन तीन मिनेट बाँकी रहँदा ओर्सिचले गोल गर्दै क्रोएसियाको अग्रता २–१ बनाएका थिए । सोहि अग्रतालाई खेलको अन्त्यसम्म कायम राख्दै क्रोएसियाले सानदार जित निकाल्यो ।