काठमाडौं १३ पुस । प्रधानमन्त्री पुष्पकमल दाहाल प्रचण्ड र नेकपा एमालेका अध्यक्ष केपी शर्मा ओलील् प्रचण्डको निजी निवास खुमलटारमा सत्ता गठबन्धनको बैठकका एजेण्डा तय गरेका छन् । सत्ता साझेदार दलको बैठकका विहीबार बालुवाटारमा बस्ने भएको छ । प्रचण्ड आज साँझ देखि भोलि विहान सम्म सरकारी निवास वालुवाटार सर्नेछन् ।
खुमलटारस्थित प्रधानमन्त्री प्रचण्डको निजी निवासमा यी दुई शिर्ष नेताको भेट २०७७ पुस ४ पछि पहिलो पटक दुई वर्ष ९ दिन पछि भएको हो । २०७७ पुस ४ गते सांझ तत्काली प्रधानमन्त्री केपी शर्मा ओलीले आफुमाथि लगाएको १९बुँदे फिराद पत्र फिर्ता लिन प्रचण्डलाई आग्रह गर्न गएका थिए । प्रचण्डले त्यो आरोप पत्र फिर्ता नलिएपछि भोलिपल्ट पुस ५ गते ओलीले संसद विघटन गरेपछि वाम सरकरारसँगै नेकपा पनि विघटन भएको थियो ।

‘बिहीबार बालुवाटारमा सत्ता साझेदार दलबीच हुने छलफल का एजेण्डा तय भएको प्रचण्डका प्रमुख स्वकिय सचिव रमेश मल्लले बताए । सार्वजनिक सेवा प्रवाहलाई प्रभावकारी बनाउने विषय र सरकारका नीति कार्यक्रम तथा प्राथमिकता तय गर्ने विषयमा ससमेत दुई नेताबीच छलफल भएको छ । आज छलफल भएका विषया विस्तृत रूपमा बिहीबार छलफल हुनेछ,’ मल्लले एबीसीलाई बताए ।
दुई नेताबीच सम्भावित राष्ट्रपति र सभामुखका उमेद्वार तथा गठबन्धन दलका लागि मन्त्रालयहरुको बारेमा पनि छलफल भएको बताइको छ ।

सम्बन्धित समाचार

एमाले अध्यक्ष ओली र प्रधानमन्त्री प्रचण्डवीच खुमलटारमा भेटवार्ता : माधव नेपाललाई पनि बोलाइयो