काठमाडौं २३ पुस । नेपाली कांग्रेसका महामन्त्री गगनकुमार थापाले नयाँ गठबन्धन बनाउन लागेको र सभापति शेरबहादृर देउवाले कसैलाई प्रधानमन्त्री अफर गरेको भन्ने कुरा भ्रमपूर्ण भएको बताएका छन्।
शनिबार संसदीय दलको बैठकपछि पत्रकारहरूसँग कुरा गर्दै नयाँ गठबन्धन बनाउन लागेको भन्ने भ्रमपूर्ण समाचार फैलाएर कांग्रेसको प्रतिष्ठामाथि आँच पुर्याउन खोजेको टिप्पणी गरे ।
विभिन्न दलका नेताहरूलाई पार्टी सभापति शेरबहादुर देउवाले भेटेको भने थापाले स्वीकारे । थापाका अनुसार ती भेट सामान्य भेट मात्रै भएको बताए।
देउवाले जनता समाजवादी पार्टी, नेकपा एकीकृत समाजवादी , राष्ट्रिय प्रजातन्त्र पार्टी लगायतका शीर्ष नेताहरूसँग भेटघाट गरेका हुन्।

थापाले राप्रपाका अध्यक्ष राजेन्द्र लिङ्देनलाई कांग्रेसले प्रधानमन्त्रीमा प्रस्ताव गरेको व्यपाक चर्चा भएको थियो ।
‘अरू दलहरूका नेताहरू सभापतिसँग भेट्न उहाँहरू नै समय मागेर आउनुभएको हो, शीर्ष नेताहरूको बीचमा सामान्य छलफल हो, कांग्रेसले अरू पार्टीलाई प्रधानमन्त्रीको अफर गर्नेकुरा अफवाह हो, निराधार हो थपाले भने चाहेर पनि अहिले अरुलाई प्रधानमन्त्री बनाउन कानूनले नै मिल्दैन,’ ।
प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्डलाई पनि विश्वासको मत दिन नसकिने थापाले बताए।
कांग्रेस संसदीय दलको बैठकले सरकारलाई विश्वासको मत दिने कि के गर्ने भन्ने बारे २६ गते नै निर्णय गर्ने निर्णय गरेको छ । आजै एक कार्यक्रममा सत्तारुढ एमाले अध्यक्ष केपी शर्मा ओलीले देउवाले विदेशीको इशारामा अहल्यिै सरकार फेल गर्ने कच्च खेल शुरु गरेको आरोप लगाएका थिए ।