काठमाडौं २५ पुस । प्रतिनिधि सभाको पहिलो बैठकमा बोल्दै एमाले अध्यक्ष केपी शर्मा ओलीले संसद विघटन प्रतिगमन नभएको जिकिर गरेका छन् । ओलीले भने संसदबाट सरकार बन्ने र ढल्ने प्रतिगमन होइन, उनले भने संसदलाई अन्त कतै(दरबार) लगेर बुझाउनु प्रतिगमन हो ।

ओलीले भने– नयाँ जनादेश माग्न जानु प्रतिगमन हो भने संसदीय व्यवस्थाका जननी बेलायतमा अस्तिसम्म पनि प्रतिगमन भइरहेको थियो । प्रतिनिधि सभा भंग हुनु प्रतिगमन होइन, संसदबाट सरकार बन्नु र ढल्नु प्रतिगमन होइन,अन्यत्रबाट सरकार ढाल्न लागियो भने त्यो प्रतिगमन हो । कुठाउँबाट सरकार बनाउनेमा जाँदैन जानु हुँदैन ।
कुनै पनि दल र नेताले राष्ट्रिय स्वाधिनताको पक्ष्मा उभिन्छु भन्न सक्दैन भने त्यो भन्दा निरिहता अरु केही हुँदैन । ओलीले भने यो सरकारले राष्ट्रियताको पक्ष्मा उभिन्छ । जनताको पक्ष्मा उभिन्छ ।
ओलीले भने कांग्रेसले यो सरकार बन्न पाउंदा नपाउंदै ढाल्न लागेर गल्ती गरेको बताए । ओलीले सरकारका मन्त्रीहरु के गर्दा प्रचार हुन्छ भनेर मिडियाको मुख सुंघेर कुद्ने होइन। काम गर्नु पर्दछ । के प्रथामिकता हो भन्ने बुझ्नु पर्दछ भन्दै सरकारका केही मन्त्रीको स्टन्टप्रति असन्तुष्टि जनाए ।

प्रधानमन्त्री प्रचण्डले मंगलबार विश्वासको मत पाउनेमा आफू ढुक्क भएको भन्दै ओलीले भने, ‘आज पनि उहाँलाई बधाई भन्न चाहन्छु । तर चुनौती छन् भन्ने कुरा पनि स्मरण गराउन पनि चाहन्छु ।’

पूर्वप्रधानमन्त्री ओलीले अहिले राष्ट्रियतासम्बन्धी र आर्थिक समस्या बढी रहेको बताए । अर्थतन्त्र गम्भीर अवस्थामा रहेको भन्दै ओलीले सबै समस्याको सकारात्मक ढंगले समाधान खोज्नुपर्ने बताए । ‘मुलुकलार्इी पछाडि सर्नबाट रोकेर अगाडि बढाउनुपर्नेछ’ उनले भने ।

प्रतिनिधिसभाको पहिलो दिनको बैठकमा सोमबार एमाले अध्यक्ष ओलीले सरकार गठन हुन नपाउँदै ढलाउने खेलतिर लाग्न थालेको भन्दै जनता र देशका लागि कहिले काम गर्ने हो भन्ने प्रश्न गरेका थिए । उनले भने, ‘सांसद र नेताहरूको सम्पूर्ण समय गोटी चालाचालमा बित्यो भने देशका लागि कहिले काम गर्ने ? सरकार बन्न पाएको छैन बिगार्ने खेलतिर लाग्यौं भने समयको बर्बादी हुन्छ ।’