काठमाडौं २६ पुस । प्रधानमन्त्री पुष्पकमल दाहाल प्रचण्डलाई प्रतिनिधिसभाको सबैभन्दा ठूलो दल नेपाली कांग्रेसले पनि विश्वासको मत दिने दावी गरिएको छ ।

धुम्बाराहीमा विहान भएको कांग्रेस पदाधिकारी बैठकले प्रधानमन्त्री प्रचण्डप्रति सकारात्मक धारणा बनाएको हो ।

बैठकमा सहभागी एक पदाधिकारीले भने, ‘कांग्रेसले विश्वासको मत दिने सम्भावना छ। कार्यसम्पादन समिति बैठकले योबारे निर्णय गर्छ।’

केही बेर अघि संसदको ल्होत्से भवनमा नेकाको कार्यसम्पादन समितिको बैठक बसिरहेको छ ।

बिहान ११ बजे कांग्रेसले संसदीय दलको बैठक बस्ने भनिएकोमा दलको बैठक १ बजेका लागि सारिएको छ।
कांग्रेस नेता एवं प्रतिनिधिसभा सदस्य रामहरी खतिवडाले अब संसदीय दलको बैठक बिहान ११ बजे बस्ने जानकारी दिए। यसअघि आज बिहान ९ बजे बस्ने भनिएको थियो।तर धुम्बाराहीमा जारी पदाधिकारी बैठक लम्बिएका कारण कांग्रेसले संसदीय दलको बैठकको समय सारेको हो।

कांग्रेसमा वर्तमान प्रचण्ड नेतृत्वको सरकारलाई विश्वासको मत दिने कि नदिने भन्ने विषयमा दुईमत छ। सोमबार प्रधानमन्त्री प्रचण्ड धुम्बाराही पुगेर कांग्रेस सभापति शेरबहादुर देउवासँग विश्वासको मत मागेका थिए।

सकारात्मक संकेत दिँदै देउवाले आज पदाधिकारी र संसदीय दलको बैठकबाट यस विषयमा निर्णय गर्ने बताएका थिए।

पुस २७ गते सार्वजनिक बिदा दिने सरकारको निर्णय, प्रचण्डले देउवासँग पनि मत मागे