काठमाडौं २८ पुस । प्रधानमन्त्री पुष्पकमल दाहाल ‘प्रचण्ड’ र नेकपा एमालेका अध्यक्ष केपी शर्मा ओलीबीच प्रम निवास बालुवाटारमा भेटवार्ता भएको छ।
बिहीबार दिउँसो प्रधानमन्त्री प्रचण्डलाई भेट्न ओली प्रधानमन्त्री निवास बालुवाटारमा पुगेका हुन्।
संसदबाट विश्वासको मत पाएपछि प्रधानमन्त्री प्रचण्डले मन्त्रिपरिषद विस्तारको तयारी गरेका छन्। सत्ता गठबन्धनका दलहरूबीच मन्त्रालय भागबन्डा टुंग्याउने गृहकार्य दुई शिर्ष नेताले गरिरहेका छन् ।
स्रोतका अनुसार मन्त्रिपरिषद् विस्तारलगायत विषयमा छलफल भएको बताइएको छ ,।
अघिल्लो दिन बुधबार साँझ ओलीलाई भेट्न प्रधानमन्त्री प्रचण्ड उनको निवास बालकोट पुगेका पनि मन्त्रिपरिषद् विस्तार लगायतका विषयमा छलफल गरेका थिए ।
शुरुमा सरकारमा सहभागी भएका विनविभागीय मन्त्रीहरुलाई जिम्मेवारी तोक्ने बारेमा दुई नेताबीच छलफल भएको छ ।
प्रतिक्रिया दिनुहोस्