काठमाडौं ३ माघ । वर्तमान गठबन्धन सरकारको चर्चित दल राष्ट्रिय स्वतन्त्र पार्टीभित्र मन्त्री बन्ने र बनाउने बीचमा समस्या शुरु भएको छ । सोमबार मात्र सभापति रबि लामिछाने ले संसदीय दलको बैठक भर्चुअल बैठक राखेर मन्त्री बन्नेहरुको रुचि र राय मागेका थिए । यस अघि नै लामिछानेले प्रत्यक्ष निर्वाचन जितेर आएका भन्दा आफ्नो मनले खाएका र चुनावमा चन्दा सहयोग गरेका समानुपातिकका व्यक्तिहरुलाई मन्त्री बनाउन चाहेका छन् ।
रास्वपा स्रोतका अनुसार पहिलो नजरमा नै रवि लामिछानेले काठमाडौ २ बाट निर्वाचित सोविता गौतम र ललितपुर ३ बाट विर्नाचित डा. तोसिमा कार्कीलाई मन्त्री नबनाउने लिष्टमा राखेका थिए । रवि लामिछानेको मन्त्री नबनाउने लिष्टका अर्का व्यक्ति हुन् मनिष झा । उनी रास्वपाभित्रका २० जना सांसदहरु मध्ये सवैभन्दा बढी राजनीतिक सुझबुझ भएका र राम्रो जनसम्पर्क भएका व्यक्ति हुन् । उनको विगत नेपाली कांग्रेससंग जोडिए पनि उनी सामजिक प्रजातन्त्र को वकलात गर्दछन् । उनले फ्याक्ट नेपाल नामक स्थापित संस्था चलाउंदै आएका छन् ।

त्यस्तै रबिले मन्त्री बनाउन नचाहकेका अर्का व्यक्ति हुन् सन्तोष परियार । उनी दलित समुदायका र राम्रो ओरेटर भएका कारण लामिछाने उनीबाट पनि त्रसित छन् । उनले आफ्ना पकेट कर्मचारीका रुपमा हेरेका मानिसहरुलाई मात्र मन्त्री बनाउन लागेको भन्दै दलभित्र असन्तोष विस्फोट हुने तहमा पुगेको एक जना सांसदले नाम नबताउने शर्तमा बताए ।
स्वास्थ्य मन्त्रालय लिएर मेडिकल व्यवसायी चन्दा कार्कीलाई मन्त्री बनाउन चाहेका रविले प्रत्यक्ष निर्वाचित मध्येबाटै मन्त्री बनाउनु पर्ने दबाब झेल्न नसकेपछि सो मन्त्रालको दावी नै छाडिदिए । स्वास्थ्यमा प्रत्यक्ष निर्वाचित डा. तोसिमा कार्कीलाई मन्त्री बनाउनु पर्ने कारणले रबिले सो मन्त्रालय छाडेका बताइन्छ । स्रोत काअनुसार काठमाडौं ६ का शिशिर खनाल पनि रबिको रोजाइका सांसद होइनन् । तर तोसिमा वा सोविता वा विराजभक्त श्रेष्ठ भन्दा केही विशेक भन्दै खनाललाई शिक्षा मन्त्री बनाउन बाध्य भएका छन् ।
युवा तथा खेलकुद मन्त्रालय लिंदा मनिष झालाई बनाउनु पर्ने बाध्यता हुनाले उनले सो मन्त्रालयको साटो श्रम रोजगार मन्त्रालय दिन प्रधानमन्त्री संग हार गुहार नै गरिरहेका छन् ।

बाहिर वा चुनावमा जतिसुकै चर्का कुरा गरेपनि वा युवा र सक्षमले अवसर पाउनु पर्ने भने पनि उनले पनि पुरानै पार्टीहरुले जस्तै पकेटका मानिसलाई मन्त्री बनाउने तहमा पुगेका छन् । उनको गत झण्डै तीन हप्ताको कामले समेत आफैलाई असफल र स्टन्ट बाहेक केही गर्न नसक्ने तहमा पुर्याएकै छन् । मन्त्रि परिषद् विस्तारपछि सवैभन्दा बढी विवाद हुने दल रास्वपा बन्ने सोही दलका सांसदहरुले दावी गरेका छन् ।

राष्ट्रिय स्वतन्त्र पार्टी (रास्वपा) बाट मंगलबार सरकारमा मन्त्रीहरू थप हुने भएका छन्।

सभापति रवि लामिछाने यसअघि नै उपप्रधानसहित गृहमन्त्री भइसकेका छन्।

सत्ता साझेदार दलहरूको बैठकमा रास्वपालाई गृह, शिक्षा, विज्ञान तथा प्रविधि र श्रम, रोजगार तथा सामाजिक सुरक्षा मन्त्रालय दिने समझदारी बनेको छ।

साथै एक राज्यमन्त्री पनि रास्वपाले पाउनेछ। तर कुन राज्यमन्त्री पाउने अहिलेसम्म निश्चित भइसकेको छैन।

रास्वपाले शिक्षा, विज्ञान तथा प्रविधि मन्त्रीमा काठमाडौं ६ बाट निर्वाचन जितेका शिशिर खनाललाई पठाउने भएको छ। रास्वपाले विषय विज्ञता हेरेर मन्त्री पठाउने तयारी गरेको छ। खनाल ‘टिच फर नेपाल’का संस्थापक हुन्, उनले लामो समय शिक्षा क्षेत्रमा काम गरेका थिए।

यस्तै श्रम, रोजगार तथा सामाजिक सुरक्षा मन्त्रीमा डोलप्रसाद अर्याल (डिपी) लाई पठाउने तयारी छ। अर्याल रास्वपाका उपसभापति पनि हुन्। धादिङ घर भएका उनी समानुपातिक तर्फबाट सांसद भएका थिए।

कुन दलका को को मन्त्री ? जसपाको माग के हो ?