काठमाडौं ५ माघ । नेपाली कांग्रेसका समानुपातिक सांसद विमलेन्द्र निधिले विगतमा एउटै दलले राष्ट्रपतिलाईदेखि न्यायपालिकासम्मलाई निर्देशन दिएकाले कांग्रेसले सभामुख पदमा उमेद्वारी दिएको बताएका छन् ।

बिहीबार बसेको संसद् बैठकमा कांग्रेसबाट सभामुख पदकी उम्मेदवार ईश्वरीदेवी न्यौपानको पक्षमा मत माग्दै निधिले विगतमा एउटा दल ल(एमाले) ले गरेको गलत प्रर्वत्तिबाट झस्केको बताए।

एमाले अध्यक्ष केपी ओलीको नाम नलिई निधिले भने, ‘देशका जनताले चाहेको छ, विकास, आर्थिक समृद्धि र शान्ति, यसका लागि प्रतिनिधि सभाको पूर्ण आयू सफलतापुर्वक सम्पादन गर्न सकोस्, कार्यपालिका, व्यवस्थापिका र न्यायपालिकामा पनि कुनै एउटा ठाउँबाट निर्देशन दिने, राष्ट्रपतिलाई निर्देशन दिने, अब प्रधानमन्त्रीलाई पनि निर्देशन दिने, हुँदा हुँदा न्यायपालिकालाई पनि निर्देशन दिने प्रवृत्तिबाट हामी झस्केका छौं।’

‘