काठमाडौं ७ माघ । प्रधानमन्त्री पुष्पकमल दाहाल प्रचण्डलाई समर्थन गरेका रौतहटका स्वतन्त्र सांसद प्रभु सशाहले के कामका लागि नयाँ भनिनेहरुले यति धेरै उपप्रधानमन्त्री खोजेका हुन् भन्दै प्रश्न गरेका छन् ।
प्रतिनिधिसभाको बैठकमा उपसभामुखमा राष्ट्रिय स्वतन्त्र पार्टीकी सांसद इन्दिरा रानामगरलाई समर्थन गर्दै उनले पदहरु आवश्यकताका आधारमा सृष्टि गर्नुपर्नेमा दुनियालाई ध्वांस देखाउन बनाउन थालिएको भन्दै चिन्ता व्यक्त गरे ।
‘अहिले बनेका उपप्रधानमन्त्रीज्यूहरु, के यति जरुरी थियो ? के आवश्यकताको कोणबाट यति उपप्रधानमन्त्री बनाएको हो रु यो उपप्रधानमन्त्रीको झुण्डले देशमा सुशासन ल्याउँछ ? नेपाली जनतालाई उत्साहित गर्छ’ उनले भने ।
अहिलेको सरकारमा विष्णु पौडेल, नारायणकाजी श्रेष्ठ, रवि लामिछाने र राजेन्द्र लिङ्देन गरी चार जना उपप्रधानमन्त्री छन् ।
सांसद साहले उपप्रधानमन्त्री नै चाहिने भए परराष्ट्र मन्त्रालय र रक्षा मन्त्रालयमा उपयुक्त हुने सुझाव समेत दिए ।
‘परराष्ट्रमन्त्रीमा विदेशीसँग पोर्टिफोलियो मिल्थ्यो, रक्षा मन्त्रालयमा सेनाको मनोबल उठाउन उपप्रधानमन्त्री चाहिन्थ्यो कि ?’ उनले प्रश्न गरे ।
भागवण्डाको राजनीति भनेको व्यक्ति खुशी बनाउने राजनीति भएकाले यसलाई ब्रेक थ्रु गर्नुपर्ने साहले बताए । ‘मन्त्रालयकै काम गर्ने हो भने उपप्रधनम्न्त्री किन चाहिन्थ्यो ?’ उनले भने ।
पदहरु आवश्यकताका आधारमा सृष्टि गर्नुपर्ने भन्दै उनले भागवण्डाको राजनीतिले देश लाई समृद्धिको बाटोमा नजाने भन्दै नयाँ भन्दै आएका साथीहरुले के देखाउन उपप्रधानमन्त्री मागेको भन्दै प्रश्न गरे ।
प्रतिक्रिया दिनुहोस्