क्रसर खोल्न दिने सरकारको निर्णय, थप नियमन गर्न तीन बुँदे निर्देशन

ABC NEWS

काठमाडौं ११ माघ । सरकारले क्रसर उद्योगहरु खुल्न दिने निर्णय गरेको छ । गृह मन्त्रालयले २० पुसमा सबै जिल्ला प्रशासन कार्यालयहरुलाई पत्राचार गर्दै दर्ता विना र मापदण्ड विपरीत चलेका क्रसरहरु बन्द गर्न निर्देशन दिएको थियो ।

मापदण्ड पुरा गर्नका लागि आगामी असार मसान्तसम्मको समय सीमा दिने गरी दर्ता भएका उद्योगहरु चल्न दिने निर्णय भएको हो । गृहमन्त्री रबि लामिछानेको प्रेस संयोजक नवराज पाण्डेका अनुसार असारसम्म पनि मापदण्ड पुरा नभएका उद्योग पुनः बन्द गरिनेछ ।

विना अनुमतिपत्र चलिरहेको सबै क्रसर उद्योग बन्द रहने उनले बताए । आयोजना विशेषका लागि खुलेका तर, आयोजना सम्पन्न भएपछि पनि चलिरहेका क्रसर उद्योगहरु पनि अब बन्द हुनेछन् ।

क्रसर उद्योग बन्द भएपछि आयोजनाहरुमा काम प्रभावित भएको थियो । निर्माण व्यवसायीले काम छाडेपछि सरकारमाथि क्रसर खोल्न दबाब परेको थियो ।
यसअघि पनि सरकारले झ्याप्पै क्रसर बन्द गर्ने र अपरादर्शी रुपमा खोल्ने गर्दै आएको थियो ।

क्रसर उद्योगलाई थप नियमन गर्न मन्त्रिपरिषद् बैठकले तीन बुँदे निर्णय गरेको छ।

बुधबार बसेको बैठकले क्रसर उद्योगहरूलाई नियमन गर्ने निर्णय गरेको हो।

बैठकले बिनाअनुमति सञ्चालनमा रहेका सबै क्रसर उद्योगलाई बन्द नै राख्ने निर्णय गरेको छ।

आयोजना विशेषका लागि खुलेका तर आयोजना सम्पन्नपछि पनि चलिरहेका उद्योगहरू पनि बन्द गर्ने निर्णय भएको गृह मन्त्रालय स्रोतले जनाएको छ।

त्यसैगरी अन्यका हकमा मापदण्ड पूरा गर्नको लागि आगामी असार मसान्तसम्मको समय सीमा तोकिएको छ।

क्रसर खोल्न दिने सरकारको निर्णय, थप नियमन गर्न तीन बुँदे निर्देशन

ABC NEWS

प्रतिक्रिया दिनुहोस्

सम्बन्धित

समाजवाद थोपर्ने होइन, जगैबाट उमार्ने र निर्माण गर्ने कुरा होः प्रचण्ड

निरंकुशता र प्रतिगमनतर्फ फर्कने प्रयासका बिरुद्ध परिवर्तनका हिस्सेदार एक हुनुपर्छः प्रचण्ड

सिम्रौनगढ नगरपालिकाका निमित्त प्रमुख प्रशासकीय अधिकृत कानुविरुद्ध भ्रष्टाचार मुद्दा

तेस्रो देशमा नेपाली बिजुली विस्तार, पहिलोपल्ट विद्युत्‌मा डलर आम्दानी

सत्ता छाडेपछि झनै कम्फर्टेबल फिल गरेको छु – प्रचण्ड

गौशालामा महानगरले चलायो डोजर

एबीसी मिडिया ग्रुप प्रा.लि.

कार्यालय सम्पर्क

विज्ञापनका लागि सम्पर्क

साइट नेभिगेशन

एबीसी मिडिया ग्रुप प्रा.लि.टीम

अध्यक्ष / प्रधान सम्पादक : शुभ शंकर कँडेल

प्रबन्ध निर्देशक : शारदा शर्मा

सम्पादक : डण्ड गुरुङ

सह-सम्पादक : कविराज बुढाक्षेत्री