काठमाडौं १६ माघ । उद्योगी व्यवसायी फेरि आन्दोलनमा उत्रिएका छन् ।
नयाँ सरकार बनेपछि माग सम्बोधन हुने आशामा केही समय शान्त बसेका उनीहरुले सोमबार काठमाडौंको माइतीघर मण्डलामा विरोध कार्यक्रम गरेका हुन्।
नेपाल राष्ट्रिय व्यवसायी महासंघको नेतृत्वमा भएको कार्यक्रममा डेढ सय भन्दा बढी व्यवसायी सहभागी भएको बताइएको छ ।
उनीहरुले ‘ब्याजदर घटाऊ, गरिखान देऊ’, ‘सहज व्यावसायिक वातावरण कायम गर’, ‘बैंकिङ आतंक बन्द गर’, ‘बैंकिङ ब्याजदर १ अंकमा ल्याऊ’जस्ता प्लेकार्ड बोकेका थिए।
केही दिनअघि व्यवसायी प्रेमप्रसाद आचार्यले आत्मदाह गरेपछि व्यवसायीले सरकारसँग व्यावसायिक वातावरण कायम गर्न माग गर्दै आएका छन्।
सरकारले व्यवसायी र सरकारी अधिकारी तथा बैंसिकंग क्षेत्रको समस्या अध्ययन गर्न समिति गठन गरेको छ ।
प्रतिक्रिया दिनुहोस्