काठमाडौँ, २१ माघ । पोर्चुगिच स्टार क्रिस्टियानो रोनाल्डोले ‘साउदी प्रो लिग’ मा पहिलो गर्दा अल नासर हारबाट जोगिएको छ । गएराति अल फतेहसँग २–१ गोलले पछि परेको अवस्थामा रोनाल्डोले गोल गर्दै खेललाई बराबरीमा ल्याएका थिए ।

प्रिन्स अब्लुल्लाह स्पोर्टस सिटी स्टेडियममा भएको खेलको १२औँ मिनेटमा नै घरेलु टोली अल फतेहले खेलमा अग्रता लिएको थियो । अल फतेहका लागि क्रिस्टियान टेलोले गोल गरेका हुन् ।

त्यसलगत्तै रोनाल्डोले गोल गरे पनि मान्यता पाएन । तर, ४२औँ मिनेटमा ब्राजिलियन खेलाडी तालिकाले गोल गर्दै खेललाई पहिलो हाफमा बराबरीमा ल्याए ।

दोस्रो हाफमा पुनः घरेलु टोलीले अग्रता बनायो । ५८औँ मिनेटमा सोफियान बनडेब्काले गोल गरे ।

इन्जुरी समयमा अल नासरले पेनाल्टीको मौका पाएको थियो । जसमा रोनाल्डोले कुनै गल्ती गरेनन् । खेल सकिन केही समय अगाडि तालिस्का रातो कार्ड पाएर मैदान बाहिरिएपछि अल नासर १० खेलाडीमा समेटिएको थियो ।

गत महिना २०० मिलियन युरोमा साउदी पुगेका रोनाल्डोले आफ्नो पहिलो खेलमा गोल गर्न भने चुकेका थिए । यो नतिजासँग अल नासर तालिकाको शीर्ष स्थानमा उक्लेको छ । उसको १५ खेलबाट ३४ अंक छ ।

एक खेल बढी खेलेको दोस्रो स्थानको अल सबाबको समान ३४ अंक छ । अब अल नासरले आगामी बिहीबार अल वेदाको भ्रमण गर्ने छ ।