काठमाडौं २९ माघ । सरकारले मध्यावधि आर्थिक समीक्षा सार्वजनिक गरेको छ । १७ खर्ब ९३ अर्ब विनियोजन गरे पनि मध्यावधि समीक्षामार्फत आकार २ खर्ब ४४ अर्बले घटाइएको हो।
उपप्रधान तथा अर्थमन्त्री विष्णु पौडेलले १४ प्रतिशतले बजेटको आकार घटाएको संसदलाई जानकारी दिएका हुन्।
यसअनुसार कुल बजेट आकार १५ खर्ब ४९ अर्ब रुपैयाँमा घटाइएको हो।
‘चालू खर्चतर्फ ११ अर्ब ८३ अर्ब २३ करोड सुरु विनियोजन भएकोमा १० खर्ब २१ अर्ब ९२ करोड संशोधित अनुमान छ’, मन्त्री पौडेलले भने। जुन सुरु विनियोजनको ८६।३७ प्रतिशत मात्र हो।
त्यसैगरी पुँजीगत खर्चतर्फ ३ खर्ब ८० अर्ब ३८ करोड सुरु विनियोजन गरिएकोमा सरकारले ३ खर्ब १३ अर्ब ८५ करोड मात्र हुने संशोधित अनुमान गरेको छ। यो भनेको सुरु विनियोजनको ८२।५१ प्रतिशत हो।
त्यस्तै, वित्तीय व्यवस्थापनतर्फ २ खर्ब ३० अर्ब २१ करोड विनियोजन गरिएकामा २ खर्ब १४ अर्ब २१ करोड हुने संशोधित अनुमान गरेको पौडेलले उल्लेख गरे। जुन सुरु विनियोजनको ९३।०५ प्रतिशत हो।
अर्थमन्त्री विष्णु पौडेलले अर्धवार्षिक समीक्षा गर्दै चालु आर्थिक वर्षको ६ महिनामा २४.८ प्रतिशतले राजश्व कमी आएको बताएका हुन्।
पुससम्म ६ खर्ब ५१ अर्ब राजस्व संकलन गर्ने लक्ष्य राखेकोमा ४ खर्ब ९० अर्ब रुपैयाँ मात्रै राजश्व संकलन भएको हो। गत आर्थिक वर्षको तुलनमा १५ प्रतिशतले राजश्व घटेको छ।
‘राजश्व संकलनमा यस्तो प्रकारको नकरात्मक वृद्धिदर आर्थिक वर्ष २०२४÷०२५ पछि पहिलो पटक हुन पुगेको छ,’ मन्त्री पौडेलले संसदलाई सम्बोधन गर्दै भनेका छन्।
समीक्षा अवधिमा वैदेशिक अनुदान ७ अर्ब २१ करोड, वैदेशिक ऋण २८ अर्ब ५७ करोड र आन्तरिक ऋण ३० अर्ब परिचालन गरिसकेको छ।
मध्यावधि समीक्षाको पूर्णपाठ
प्रतिक्रिया दिनुहोस्