नेपालगन्ज, १२ माघ ।
नेपालगन्ज जारी प्रादेशिक महोत्सवको दोस्रो दिन अमेरिकी ब्याण्डका कलाकारहरुले सांगीतीक प्रस्तुती देखाएकाछन् । शुक्रबारको सांस्कृतिक कार्यक्रमको प्रायोजन गरेको अमेरिकी राजदुतावासको संयोजनमा महोत्सवमा अमेरिकी ब्याण्डको सहभागिता रहेको हो । कार्यत्रममा नेपाली कलाकारहरुले समेत आफ्नो प्रस्तुती देखाएका थिए ।
अमेरिकी गायीका आयसा पुकुसिमाले बिभिन्न अंग्रेजी रक सहित नेपाली गित समेत प्रस्तुत गरेकि थिइन् । पुकुसिमाले पारि त्यो डांडैमा घाम लाग्यो घमाईलो गाईरहंदा दर्शकले ठूलो आवाजका साथ गायीकालाई साथ दिएका थिए ।
महोत्सवमा शुक्रबार चर्चित गायक प्रमोद खरेल र सुगम पोखरेलले समेत दर्शकहरुलाई मनोरञ्जन प्रदान गरेका थिए । कार्यक्रममा चर्चित डान्स गुप्र कार्टुन क्रुजले समेत धमाकेदार प्रस्तुती राखेको थियो । बहुद्देश्यीय सभागृह निर्माणको लागि प्रादेशिक महोत्सवको आयोजना गरिएको हो ।
माघ २२ गतेसम्म चल्ने महोत्सवमा २ सय ६० वटा ब्यवसायीक स्टलका अलावा ५ कृषी, ४ जडिबुटी, १४ अटोमावाईल्स, २२ रेष्टुरेन्ट र १६ विदेशी स्टल सहित कुल ३ सय २१ स्टल रहेका छन् । ३ लाख बढिले महोत्सवको प्रत्यक्ष अवलोकन गर्ने लक्ष्य राखिएको महोत्सवमा ६ करोड भन्दा बढीको कारोबार हुने लक्ष्य आयोजकले राखेको छ ।