बझाङ, १६ फागुन । राष्ट्रिय अनुसन्धान विभागका कर्मचारी जीवन बुडालको मृत्युको घटना रहस्यमय देखिएपछि १२ जनालाई नियन्त्रणमा लिइएको छ ।

बिदामा आएको बेला पिकनिक गएको बडालको हत्या आशंकामा पीडित परिवारले किटानी जाहेरी दिएपछि  पिकनिक गएका १२ जना साथीहरुलाई नियन्त्रणमा लिएर प्रहरीले अनुसन्धान सुरु गरेको हो ।

बडालकी श्रीमती अनिशा कुलुमले पक्राउ परेकाहरुविरुद्ध किटानी जाहेरी दिएकी थिइन् ।

जिल्ला प्रहरी कार्यालय बैतडीका सूचना अधिकारी प्रहरी निरीक्षक लोकराज जोशीका अनुसार श्रीमती अनिशाले कर्तव्य ज्यान मुद्दा अन्तर्गत किटानी जाहेरी दर्ता भएको गरेपछि बुडालसँगै पिकनिक मनाउन गएका १२ जनालाई नियन्त्रणमा लिइएको हो  । प्रहरीका अनुसार मृतक बडाल राष्ट्रिय अनुसन्धान विभागको सहायक सूचक पदमा बझाङमा कार्यरत थिए ।

गत शनिबार पिकनिक मनाउन गएका दशरथचन्द नगरपालिका–१० का बुडाल राति दोगडाकेदार गाउँपालिका–४ जाडबगरस्थित चौलानी नदीमा मृत अवस्थामा फेला परेका थिए  ।