काठमाडौं, १५ माघ। छुट्टा छुट्टै भएको सवारी दुर्घटनामा तीन जनाको ज्यान गएको छ । काठमाडौंको मिनभवनमा मोटरसाइकलको ठक्करबाट एक पैदलयात्रीको मृत्यु भएको छ । मृत्यु हुनेमा दोलखा सामाकोशी २ घर भई कोटेश्वर बस्दै आएका ५० वर्षीय ध्रुव कार्की छन् ।
कार्कीलाई मिनभवन क्याम्पस अगाडि बा ९० प ६०६४ नम्बरको मोटरसाइकलले गएराति ठक्कर दिएको थियो ।
यसैबीच, सल्यानमा आइतबार मिनी ट्रकले मोटरसाइकललाई ठक्कर दिँदा त्यसमा सवार दुई जनाको ज्यान गएको छ । रा १ ख ९३९ नम्बरको मिनीट्रकले रा ३ प ८५९६ नम्बरको मोटरसाइकललाई ठक्कर दिँदा घाइते दुईजनाको उपचारका क्रममा ज्यान गएको प्रहरीले बताएको छ । ठक्करबाट ३२ वर्षीय दिलीप बुढा र ३० वर्षीया सम्झना बुढाको ज्यान गएको हो । प्रहरी चौकी कपुरकोटका अनुसार, मृतक दिलीप र सम्झना श्रीमान्–श्रीमती हुन् ।
प्रतिक्रिया दिनुहोस्