सिरहा, १४ चैत ।  सिरहा प्रहरीले बैंकको रकम लुटपाट गरेको आरोपमा तीन जनालाई पक्राउ गरेको छ ।

मिर्चैया कल्याणपुर सडकको मिर्चैया नगरपालिका–३ बताहा पुलबाट ग्लोबल आइएमई बैंकको शाखा कार्यालय कल्याणपुर लाँदै गरेको रकम लुटेको आरोपमा प्रहरीले कल्याणपुर नगरपालिका–८ अरंगका  ४५ वर्षीय श्यामकुमार यादव, लहान नगरपालिका–१३ सुकरामपुरका ३६ वर्षीय जिवछ विक र लहान १९ छपरारी का ४७ वर्षीय सत्यनारायन मण्डललाई प्रहरीले पक्राउ गरेको हो ।

उनीहरुले वैंकका कर्मचारीले मिर्चैयाबाट कल्याणपुर शाखामा लाँदै गरेको ९ लाख रकम लुटपाट गरेको आरोप  छ । प्रहरीसहित गएका ज६प ८१८५ नम्बरको मोटरसाइकलमा बैंकका कर्मचारी गत फागुन १० गते नम्बर नखुलेको मोटरसाइकलमा आएका ४ जना अपरिचित व्यक्तिहरुले पेस्तोल देखाई रकम लुटिएका थिए ।

मधेस प्रदेश प्रहरी कार्यालय जनकपुर, जिल्ला प्रहरी कार्यालय सिरहा तथा इलाका प्रहरी कार्यालय मिर्चैया सिरहा लगाएत मातहतका प्रहरी टोलीले उपलब्ध श्रोत साधन तथा प्रविधिको प्रयोग गरी सिरहा सदरमुकास्थित हेमनारायण चोकबाट पक्राउ गरेको बताएको छ ।

उनीहरुमाथि शरीर बन्धक तथा डाँका मुद्दामा सिरहा जिल्ला अदालतबाट सात दिनको म्याद लिई थप अनुसन्धान गरिरहेको जनाएको छ ।