काठमाडौं, १६ माघ । भक्तपुर नगरपालिकाको आयोजनामा फागुन ३ देखि ८ गतेसम्म अन्तर नगर मेयर कप भलिबल प्रतियोगीता हुने भएको छ ।

रफत सञ्चार क्लब भक्तपुरमा मंगलबार आयोजित पत्रकार सम्मेलनमा भक्तपुर नगरपालिकाका मेयर सुनिल प्रजापतिले जानकारी दिनुभयो । उहाँले खेल खेलाडीका लागि मात्र नभएर यसकोे माध्यमबाट देशको सार्वभौमिता जोगाउन समेत उपयोग गरिनुपर्ने बताउनुभयो ।

गएको पुस १९ गते बसेको नगरपालिकाको बोर्ड बैठकले भलिबल खेललाई प्राथमितामा राखेर यसको विकासका लागी उक्त प्रतियोगिताको आयोजना गरेको उहाँले बताउँनुभयो ।

उक्त प्रतियोगीता सम्पन्न गर्नका लागी मेयर प्रजापतिको संयोजकत्वमा ९२ सदस्यीय मुल समिति समेत गठन गरिएको छ । उक्त प्रतियोगीतामा ४० देखि ५० वटा नगरको सहभागीता हुने बिश्वास गरिएको छ ।

प्रतियोगीतामा प्रथम, द्धितिय तृतिय र सान्त्वना हुनेलाई क्रमश १ लाख ५१ हजार, ७५ हजार, ३० हजार र २० हजार नगद पुरस्कारका व्यवस्था गरिएको नगरपालिकाले बताएको छ । साथै प्रत्येक टिमलाई प्रतिखेल प्रोत्साहन स्वरुप ५ हजार प्रदान गरिनेछ ।