काठमाडौँ, २४ चैत । बिहीबारदेखि फ्रायन्क लाम्पार्ड इंग्लिस प्रिमियर लिग क्लब चेल्सीको व्यवस्थापकका रूपमा फर्केका छन् ।

दुई वर्षअघि बर्खास्तीमा परेर बाहिरिएका लाम्पार्डलाई फेरि चेल्सीको व्यवस्थापकीय भूमिकामा फर्काएको हो ।

अन्तर्राष्ट्रिय सञ्चार माध्यमहरुका अनुसार केही समयअघि मात्र ग्राहम पोटरलाई बर्खास्त गरेको चेल्सीले दुई वर्षअघि बर्खास्त गरेका लाम्पार्डलाई फेरि क्लबमा फिर्ता बोलाएको विषयलाई आश्चर्यजनक घटनाको रुपमा लिइएको छ ।

उनलाई बर्खास्त गरेयता चेल्सीले यसबीचमा दुई जनालाई व्यवस्थापकीय जिम्मेवारी दिएको थियो । लाम्पार्ड बर्खास्तमा परेपछि चेल्सीले थोमस टुचेल व्यवस्थापकी जिम्मेवारी दिएको थियो । त्यसबाट पनि असन्तुष्ट रहेको चेल्सीले टुचेललाई पनि बर्खास्त गरेर पोटरले सो अवसर दिएको थियो ।

तर, केही समयअघि पोटर पनि बर्खास्तीमा परेपछि चेल्सीले लाम्पार्ड छोटो समयका लागि व्यवस्थापकीय जिम्मेवारीमा ल्याएको हो । उनी यस सिजनको अन्त्यसम्म रहने गरी चेल्सीले सम्झौता गरेको जनाइएको छ ।