काठमाडौं, १६ माघ । एक दशक भन्दा बढि डोल्पामा पढाउँदै आउनुभएका एवं दातृनिकायबाट सहयोग नलिई केवल नेपाली शुभेच्छुकको सहयोगमा डोल्पोमा बिद्यालय सञ्चालन गर्दै आउनुभएका बिनोद शाहीलाई सम्मान गरिएको छ ।

मंगलबार काठमाडौंमा आयोजित कार्यक्रमका बिच रोटरी क्लव अफ पाटन वेष्टले शाहीलाइ सर अफ हिमालयको उपाधीले सम्मान गरेको हो । शाहीलाई प्रसंसा पत्रका साथै रु एक लाख ११ हजार १ सय १ रुपैया प्रदान गरिएको थियो ।

कार्यक्रममा शाहीले डोल्पाको कठिन यात्रा र आफुले शिक्षाको पहल गरेको दृश्यहरुको प्रस्तुतीकरण गर्नुभएको छ । उहाले दुर्गम क्षेत्रमा रहेर शिक्षाको ज्योती फैलाउन पाउदा आफुलाई गर्वलागेको बताउनुभयो ।

त्यस्तै रोटरी क्लव अफ पाटन वेष्ट प्रथम डिजी टिकाराम बैद्य , अधिवक्ता चन्द्रशेखर श्रेष्ठ लगाएत रोटरीका पदाधीकारीले शिक्षा जगतमा शाहीले चाल्नुभएको कदमको प्रसंसा गर्नुभएको थियो ।