काठमाडौँ, २८ चैत । हिन्दु पात्रो अनुसार केही दिनमा नै नयाँवर्ष अर्थात् वैशाख महिना सुरू हुँदै छ । यसै महिनामा रामको अवतारमा भगवान् विष्णुको जन्म भएको जनविश्वास छ ।

ज्योतिषीहरुका अनुसार स्कन्द पुराणमा यो महिना निकै पवित्र र फलदायी मानिएको छ । यस महिनामा अक्षय तृतीया, बरुथिनी र मोहिनी एकादशी, प्रदोष व्रत, मासिक शिवरात्रि, वैशाख अमावस्या र वैशाख पूर्णिमा जस्ता धेरै व्रत र पर्वहरू पनि छन् ।

आउनुहोस् जानौँ यो महिना कहिले सुरु हुँदै छ र यस महिनामा के–कस्ता कामहरू गर्दा शुभ फल प्राप्त हुन्छ ।

वैशाखमा के गर्ने ?
यस महिनामा भगवान् विष्णुको माधव स्वरूपको पूजा गरी ऊँ माधवाय नमः मन्त्रको जप गर्नुहोस् । यसले जीवनमा सुख र समृद्धि ल्याउनेछ । विष्णुजीको पूजामा पञ्चामृत र तुलसी मिसाउनु पर्छ ।

यस महिनामा गीता वाचन गर्नु शुभ मानिन्छ । यसो गर्दा घरमा सुख शान्ति कायम रहन्छ । वैशाख महिनामा कथा आदि आयोजना गर्नु शुभ र फलदायी हुन सक्छ। यस महिनामा पर्ने अमावस्याको दिन पनि महत्त्वपूर्ण छ ।

अमावस्यामा पितृहरूलाई प्रसाद र पिण्डदान गर्नुहोस् । वैशाख अमावस्यामा शनिदेवको पूजा गर्नाले कुंडलीमा शनिदोष र पितृदोषको प्रभावलाई कम गर्न सकिन्छ ।

वैशाख महिनामा गर्मी उत्कर्षमा हुने भएकाले यस महिनामा पशुपन्क्षीलाई पानी र खाना खुवाउनु पवित्र मानिन्छ । जसका कारण पशु पन्छीहरु भोकै बस्दैनन् र भगवानको कृपा पनि प्राप्त हुन्छ ।