पोखरा, १६ माघ । पोखराको रङ्गशालामा जारी १६ औं संस्करणको आहा रारा गोल्डकपको सेमिफाईनलमा नेपाल पुलिस क्लब प्रबेश गरेको छ ।

मंगलबार सम्पन्न खेलमा लक्ष्मी हुण्डाई मनाङ मस्र्याङ्दी क्लबलाई ३–१ गोल अन्तरले हराउदै बिभागीय टिम नेपालपुलिस क्लब सेमिफाईनलमा प्रबेश गरेको हो ।

१६ औं आहा रारा गोल्डकपको सेमिफार्ईनलमा प्रबेश गर्दै नेपाल पुलिस क्लबले आगामी माघ १८ गते धरान फुटबल क्लबको सामना गर्नेछ ।

पुलिस क्लबको जितमा सुमन लामा, निरकुमार राई र दिनेश राजबंशीले एक-एकगोल गरे । खेलको ५३ औ मिनेटमा निरकुमार राईले गोल गर्दै पुलिसका लागि गोलको खाता खोलेका थिए ।

राईले कर्नरबाट प्रहार गरेको बल मनाङका खेलाडीले हेड गर्दै रिवाउड् बललाई डिबक्सबाट प्रहार गर्दै गोल गरेकाथिए । त्यसैगरी खेलका ५७औ मिनेटमा दिनेश राजबंशीगोल गर्दै गोल अन्तर दोब्बर बनाए ।

त्यसैगरि खेलको ७२ औ मिनेटमा किपर सगँवान भसेज वानमा सुनिल लामाले गोल गरे । तीन गोल अन्तरले पछि परेको मनाङ मस्र्याङ्दी क्लबका लागि ८२ औ मिनेटमा विशाल राईले गोल गरे ।

मनाङका टिम क्याप्टेन अनिल गुरुङले डि बक्स भित्र मिलाई दिएको पासलाई राईले हेड गर्दै गोलमा परिणत गरे ।

मंगलबारको खेलको म्यान अफ दि म्याच नेपाल पुलिस क्लबका सुमन लामा बन्न सफल भए ।

बुधबार पहिलो सेमिफाइनल खेल उत्तर बरिन्धरा क्लब बंगलादेश र थ्री स्टार क्लबबिच हुने आयोजकले जनाएको छ ।