भरतपुर चितवन ६ वैशाख । बैशाख १० गते हुने बारा–२, चितवन–२ र तनहुँ–१ मा उपनिर्वाचनमा मुख्य प्रतिस्पर्धी उमेद्वार अन्तिम रस्साकसीमा छन् ।गत मंसिर ४ को आमनिर्वाचनमा विजयी कांग्रेसका रामचन्द्र पौडेल राष्ट्रपतिमा चुनिएपछि तनहुँ–१, जनता समाजवादी पार्टीका रामसहायप्रसाद यादव उपराष्ट्रपतिमा निर्वाचित भएपछि बारा–२ र राष्ट्रिय स्वतन्त्र पार्टीका रवि लामिछानेले दोहोरो नागरिकता प्रयोग गरेको भन्दै अदालतको आदेशबाट सांसद पद गुमेपछि चितवन–२ पुनः चुनाव हुन लागको हो । सांसद पद गुमाएपछि पुनः नागरिकता लिएका रास्वपाका सभापति लामिछाने पनि चितवन–२ फेरि उम्मेदवार बनेका छन् । वैशाख १० को उपनिर्वाचनमा पौडेलको विरासत जोगाउन सत्ता गठबन्धनले तनहुँमा शक्ति परिचालन गरेको छ । गठबन्धनको अर्को दल जसपाका अध्यक्ष उपेन्द्र यादव आफैं बारा–२ मा उम्मेदवार छन् । यादव सम्पतरी २ बाट गत मंसिर ४ को निर्वाचनमा पराजित भएका थिए ।

चितवन–२ मा चुनावको तापमान मात्र बढेको छैन जलबायु परिवर्तका कारण भरतपुरमा मंगबार ४१ डिग्री सेल्सियस तापमान रेकर्ड भएको थियो । चितवन २ मा रष्ट्रिय स्वतन्त्र पार्टीका सभापति रवि लामिछाने अनेक स्क्याण्डलका बावजुद पनि पुनः जनमत जोगाउनकै लागि आफूलाई एक पटक ५वर्ष संसदमा रहन दिनु पर्ने भन्दै मत मागिरहेका छन् । सभापति नै उम्मेदवार रहेकाले रास्वपाका देशभरिका टांठाबाठाहरुले चितवनमा आउटिंग गरिरहेका छन् । लामिछानेकाा प्रतिद्धन्दी भने यसपटक फेरिएका छन् । कांग्रेसबाट पूर्वजिल्ला सभापति जितनारायण श्रेष्ठ र एमालेबाट जिल्ला अध्यक्ष रामप्रसाद न्यौपाने उम्मेदवार छन् । पाँच महिनापछि भएको उपनिर्वाचनमा राम न्यौपानेले चितवन २ मा प्रतिस्पर्धा गर्ने अवसर पाएका छन् । यही क्षेत्रबाट दुई पटक निर्वाचित भइसकेका नेता कृष्णभक्त पोखरेलले उनलाई ठाउँ छाडिदिएका हुन् ।

रास्वपाका रवि लामिछानेविरुद्ध प्रतिस्पर्धा गर्न स्थानीय र युवा नेतृत्व अघि सार्नुपर्ने निष्कर्षसहित पार्टीले न्यौपानेलाई अघि सारेको थियो । चुनावी अभियानमा पनि उनले मतदातालाई आफू स्थानीय समस्यासँग भिजेको व्यक्ति भएको बताउँदै मत मागिरहेका छन् ।

दोहोरो राहदानी र नागरिकतासम्बन्धी मुद्दा तथा छोटो समय गृहमन्त्री हुँदा गरेका केही निर्णयका कारण लामिछानेप्रति मतदातामा शंका बढेको छ । पहिलो लामिछानेलाई भोट हालेका अधिकांका कांग्रेस र एमालेका मतदाता यसपटक आफ्नै उमेद्वारतिर फर्केको देखिएको छ । तर पाँच महिनाअघि लामिछाने ठूलो मतान्तरले विजयी भएकाले यसपालि अन्य दललाई परिणाम उल्टाउन सहज भने छैन । गत मंसिरमा चितवन–२ मा ८३ हजार ९ सय ६३ मत खसेको थियो । लामिछानेले ४९ हजार २ सय ६४ मत ल्याउँदा सत्ता गठबन्धनबाट कांग्रेसका उम्मेदवार उमेश श्रेष्ठले १४ हजार ९ सय ८३ मत पाएका थिए ।

०७० सालको संविधानसभा सदस्य निर्वाचन र ०७४ सालको प्रतिनिधिसभा सदस्य निर्वाचनमा चितवन–२ बाटै विजयी भएका एमालेका कृष्णभक्त पोखरेल १४ हजार ६ सय ४७ मतसहित तेस्रो मात्र भएका थिए । जबकि ०७४ को निर्वाचनमा उनले निकटतम प्रतिस्पर्धीभन्दा १७ हजारभन्दा बढी मत ल्याएका थिए । चितवन–२ मा मतदाता संख्या १ लाख २४ हजार ६ सय ९५ मतदाता छन् । चितवन–२ मा कालिका नगरपालिका र इच्छाकामना गाउँपालिकासहित भरतपुर महानगरका २९ मध्ये १० वटा वडा पर्छन् । स्थानीय तह निर्वाचनमा भरतपुर महानगर क्षेत्रमै एमालेको नतिजा निकै खस्किएको थियो । कालिका नगरपालिकामा संसदीय निर्वाचनमा अवस्था खस्कियो । इच्छाकामना गाउँपालिकाले मात्रै एमालेलाई साथ दिएको देखिन्छ । कम मत आएको इच्छाकामनामा रास्वपाले अहिले चुनावी अभियान तीव्र बनाएको छ । ‘अहिले के बजार, के गाउँ, के विकट पहाडी इलाका सबैतिर एकनासे माहोल रास्वपाको दावी छ । तर उनको दोहोरो नागरिकता र पसुनः दोहोारो राहदानी मुद्धामा उनी फस्ने आशंकाले पनि स्वयं उमेद्वार रविलाई प्रतिरक्षात्मक बनाएको छ । ‘

‘चुनावमा भएका कमीकमजोरी सुधार्न मिसन ग्रास रुट अभियान चलिरहेको छ । हामीले संगठनलाई सबल बनाउँदै लगेका बेला चुनाव आएको छ । साथीहरूका असन्तुष्टि समाधान भएका छन् । मतदाताको मन पनि बुझेका छौं, एमालेको सदस्य ता बोकेर अन्यत्र भोट हाल्ने मानि एमाले हुन सक्दैन । चितवनमा खटिएका गोकुल बास्कोटाले भने । ‘चितवन–२ हाम्रा लागि राम्रो ठाउँ हो । हामीलाई पुरानो अवस्थामा फर्कन गाह्रो छैन ।’ बासस्कोटाले उनकै शैलीमा भने बैशाख ७ गते सूर्य ग्रहण हो, ८ गेतबाट सब क्लियर छ ।

मंसिरको चुनावमा कांग्रेस आन्तरिक समस्यामा थियो । त्यति बेला कांग्रेसबाट उमेश श्रेष्ठ उम्मेदवार थिए । जिल्लाको आवश्यकताले भन्दा पनि केन्द्रीय सभापतिको चाहनामा उनलाई उठाएको आक्रोश कांग्रेस कार्यकर्तामा थियो । अहिले पार्टी एकढिक्का रहेको कांग्रेसको दाबी छ । ‘कांग्रेसका जितनारायण स्थानीय नेता हुन् । राजनीतिक ज्ञान र देश देशावरको अवस्थासँग परिचित छन् । पहिला बाहिरका व्यक्तिलाई पार्टीले जसर्वजस्ती उम्मेदवार बनाइयो भन्ने असन्तुष्टि थियो । नेता–कार्यकर्ताबीच बेमेल थियो । अहिले त्यस्तो छैन,’ काग्रेसका जिल्ला सभापति राजेश्वर खनाले भने । ‘पार्टीका नेता–कार्यकर्ता एकजुट भएर लाग्दा समर्थक र मतदातामा सकारात्मक प्रभाव पर्न सक्छ ।’

नागरिकता प्रकरणमा परेर संसद् पद खारेज भएपछि दोहोरो राहदानीको विषय उठिरहेका बेला लामिछाने उम्मेदवार नभएको भए राम्रो हुने वामपन्थी बुद्धिजीवी प्रेम रिमाल बताउँछन् । ‘दुई वटा राहदानी रहेको त लामिछाने आफैंले स्वीकार गरे । दुरुपयोग गरेको छैन भन्दैमा मुक्ति पाउने कुरा हुँदैन । न्यायालयले स्वतन्त्र भएर काम गर्न पाउनासाथ यो मुद्दामामिलामा जान्छ,’ उनले भने । रिमालले लामिछानेका समर्थकको शैली झै खत्तम छ । ‘फरक दलका समर्थकलाई सामाजिक सञ्जालमा अभद्र टिप्पणी गर्ने, पत्रिका जलाउनेजस्ता काम गरिरहेका छन्,’ उनले भने ।
चितवनको निर्वाचचनमा सत्ता गठबन्धनका तर्फबाट कांग्रेस का हामन्त्रीद्धय गगन थापा र विश्वप्रकाश शर्मा, प्रकाशमान सिंह, बालकृष्ण खाण देखिका नेताको तांती लागेको छ । जितनारायणको पक्षमा माओवादी नेतृ तथा भरतपुर मनपाकी मेयर रेण्ुा दाहाल खटिएकी छन् । दाहालको रविप्रतिको अभिव्यक्ति भाइरल भइरहेको छ । तर गगन थापाले रविको आलोचना नगरेको भन्दै कांग्रेसीहरुले नै टिप्पणी गरिरहेका छन् ।
आफ्ना विरासत जोगगाउन खटिएका रविले पनि कालिकाको घरदैलो वा सडक रेसका क्रममा एबीसी संग भने – पहिले जस्तो मार्जिनले अन्तर नपरेपनि चुनाव जित्नेमा ढुक्क छु।
तर उनलाई राहदानीको विषय चर्भामा रहेकाबेला राष्ट्रियपरिचय पत्र छपाइका लागि कानुन विपरित टेण्डर दिएको घटनाले भ्रष्टाचारका बारेको दोहोरो चरित्र देखिएको छ । तर पनि चितवनमा अभै पनि महिला मतदातामा उनीप्रतिको अकर्षण अझै बांकी देखिएको छ ।