काठमाडौं ९ बैशाख । नेकपा एमालेका अध्यक्ष केपी शर्मा ओलीले पुष्पकमल दाहाल ‘प्रचण्ड’ र माधव नेपाल सस्तो मूल्यमा बिकेर कम्युनिष्ट पार्टीलाई ध्वस्त बनाएको आरोप लगाएका छन्।

कम्युनिष्ट पार्टी स्थापना दिवसको विशेष कार्यक्रमलाई सम्बोधन गर्दै उनले उनीहरुले कम्युनिष्ट पार्टीको झण्डा राख्नु नै विकार भएको टिप्पणी गरे।

उनले भने, ‘दुई तिहाई पुर्यायौं हामीले। पार्टी एकता गरेर। तर, टुप्पामा बस्ने नेताहरुलाई सहिसक्नु भएन र विके। यतिकै उनीहरुले कम्युनिष्ट पार्टी ध्वस्त पारेको होइन होला। सस्तो मूल्यमा बिके। केकस्तो मुल्य उहाँहरुलै जान्नुहोला। बाहिरबाट देख्ने धेरै कुरा हामीले देखेका छौं। भित्रीकुरा उहाँहरुनै जान्नुहोला।’

उनले सबै पार्टीमा रहेका वामपन्थी र परिवर्तन चाहनेहरुलाई एमालेमा आउन आह्वान गरे।
उपनिर्वाचनको प्रससंगमा ओीले सत्तापक्षले धांदली गरेको आरोप लगाए ।
नेकपा एमालेका अध्यक्ष केपी शर्मा ओलीले सत्तारुढ दलहरुले निर्वाचन आचारसंहितालाई उल्लंघन गरेको भन्दै त्यसप्रति आपत्ति जनाएका छन् । नेकपाको ७५ औं स्थापना दिवसको अवसरमा एमाले मुख्यालय च्यासलमा आयोजित कार्यक्रममा अध्यक्ष ओलीले यस्तो बताएका हुन् ।

सत्ता गठबन्धनमा आबद्ध दलहरूलाई लक्षित गर्दै उनले अरुलाई भोट खसाउन नदिने र बुथ कम्बजा गर्ने गरेको पनि आरोप लगाएका छन् ।

‘सरकारी हेलिकोप्टर लिएर गएर प्रलोभन बाँढ्ने काम गरे,’ उनले भने, ‘आचारसंहितालाई पिटपाट गरेर धुलो पिठो बनाएर अचार बनाइसकेका छन् । बुथ कब्जा गर्छन् केको आचारसंहिता ? अरुलाई भोट खसाउन दिँदैनन् केको आचारसंहिता रु मानिसलाई कुट्छन के आचारसंहिता ?’

ओलीले तनहुँमा राष्ट्रिय स्वतन्त्र पार्टी -रास्वपाका उम्मेदवार स्वर्णिम वाग्लेका पिताको मोटरमा भएको तोडफोडको घटनामा पनि कारबाही नभएको भन्दै असन्तुष्टी व्यक्त गरे ।

‘तनहुँमा एक जना उम्मेदवारका बुढा बाउको पार्किङमा राखिएको मोटरमा तोडफोड भयो । यो सत्ताको उन्माद हो रु केही कारबाही हुँदैन ?’ ओलीले भने ।