रुपन्देही, १७ माघ । नेपाली कांग्रेसका केन्द्रीय सदस्य गगनकुमार थापाले एमालेको नेतृत्वमा संमृद्धिको सपना देख्नु भ्रम मात्रै भएको बताउनु भएको छ ।
नेपाली कांग्रेस बुटवल उप–महानगर समितिले बुधबार बुटवलमा आयोजना गरेको कार्यकर्ता भेलालाई सम्वोधन गर्दै उहाँले एमाले प्राइभेट कम्पनी जस्तै भएकाले माओवादी केन्द्र मिसिएर पनि तात्वीक फरक नपर्ने बताउनु भएको हो ।
पार्टीलाई पुर्नजीवन दिन र पाँच वर्षपछि कांग्रेसलाई पहिलो पार्टी बनाउने अभियानमा आफूहरु लागेको बताउदै नेता थापाले पुराना नेताहरुले नयाँ युगको नेतृत्व गर्न नसक्ने बताउनु भयो ।
‘पार्टी भित्रका पुराना नेताहरुले आफ्नो युगमा अब्बल नेतृत्व दिनुभयो’, गगनले भन्नुभयो, ‘अब नयाँ युग सुरु भएको छ नयाँ युगको नेतृत्व गर्न नयाँ सोचसहितको नेतृत्व आवश्यक छ ।’
प्रतिक्रिया दिनुहोस्