पोखरा, १७ माघ । पोखराको रङ्गशालामा जारी १६ औं संस्करणको आहा रारा गोल्डकपकमा पाहुना टिम बङ्गलादेशलाई फराकिलो गोल अन्तरले पाखा लगाउदै रुस्लान थ्रि स्टार १६ औं आहा रारा गोल्डकपको फाईनलमा प्रबेश गरेको छ ।

बुधबार सम्पन्न खेलमा पाहुना टिम उत्तर बरिन्धारा बङ्गलादेशलार्ई ५–० को फराकिलो गोल अन्तरले पाखा लगाउदैै थ्रि स्टार फाईनलमा प्रबेश गरेको हो ।

रुस्लान थ्री स्टारको जितमा बिष्णु गुरुङ र निराजन खड्काले बराबर एक एक गोल गरे भने विश्वास श्रेष्ठले ह्याट्रिक गरे ।

खेलको ४१ औं मिनेटमा पोखरेली खेलाडी विष्णु गुरुङको गोलबाट थ्री स्टारले गोलको खाता खोेल्यो । त्यसै गरी ४५ औं मिनेटमा विश्वास श्रेष्ठको पासमा निराजन खड्काले दोस्रो गोलको रुपमा बललाई जाली चुमाए ।

ह्याट्रिक गर्दै म्यान अफ दि म्याच बन्न सफल बिश्वास श्रेष्ठले पहिलो हाफमा थप गरिएको अतिरिक्त समयको पहिलो मिनेटमा तेस्रो गोल गर्दै टिमलाई जितको नजिक पु¥याए ।

पहिलो हाफ ३—० ले अगाडि रहेको थ्रीस्टारले थप दुई गोल गर्न केही समय खर्चियो । निराजन खड्काले मिलाईदिएको पासलाई विश्वासले ६६ औं मिनेटमा व्यक्तिगत दोस्रो गोल थपे । निराजनकै पासमा ७५ औं मिनेटमा विश्वासले व्यक्तिगत तेस्रो गोल गर्दै ह्याट्रिक पुरा गरे ।

पोखराको रङ्गशालामा आयोजित आहा रारा गोल्डकपको पहिलो अनुभब सँगाल्दै उत्तर बरिन्धरा क्लब गोलको भारी बोकेर फर्कियो ।

बिहीबारको दोस्रो सेमिफाईनल खेल धरान फुटबल क्लब र नेपाल पुलिस क्लब बीच हुने आयोजकले जनाएको छ ।