काठमाडौँ २२ बैशाख । राष्ट्रिय स्वतन्त्र पार्टी ले सरकारलाई दिएको समर्थन फिर्ता लिने निर्णय गरेको छ । बसुन्धरास्थित केन्द्रीय कार्यालयमा जारी केन्द्रिय समिति र संसदीय दलको संयुक्त बैठकले समर्थन फिर्ता लिने निर्णय गरेको हो ।

पुस १० गते रास्वपाले पुष्पकमल दाहाल प्रचण्ड नेतृत्वको गठनबन्धनमा सहभागी भएको थियो । बैठकमा सहभागी एक सांसदका अनुसार रास्वपाले अब रचनात्मक प्रतिपक्षको भूमिकामा रहने निर्णय गरेको छ ।

माघ २२ गते रास्वपा सरकारबाट बाहिरिएपनि समर्थन भने फिर्ता लिएको थिएन् । रास्वपाले उप प्रधानमन्त्रीसहित गृह, शिक्षा र श्रम तथा रोजगार मन्त्रालय लिएर सरकारमा सहभागि भएको थियो । बैशाख १० गते भएको उपनिर्वाचन पछि रबि लामिछानेको दल सरकारमा सहभागी हुनका लागि छलफल गरेको थियो । लामिछानेले पूर्ववत मन्त्रालय र आफूलाई उपप्रधानमन्त्री बनाउनु पर्ने शर्त राख्दै आएका थिए । सत्ता गठबन्धनले ३ वटा मन्त्रालय दिन सक्ने बताए पनि गृह र उपप्रधानमन्त्री बनाउन नसक्ने बताएपछि रास्वपाले सरकालाई दिएको समर्थन फिर्ता लिने निर्णयमा पुगेको हो ।