काठमाडौं, १८ माघ । महानगरिय प्रहरी बृत सिंहदरबारले अवैध लागू औषधको खरिद बिक्री गर्ने दुई जनालाई पक्राउ गरेको छ ।
बृतले बिहीबार पत्रकार सम्मेलन गर्दे काठमाडौको थापाथलीमा लागू औषधको खरिद बिक्री गरिरहेको अबस्थामा दुई जनालाई पक्राउ गरिएको जनाएको हो ।
पक्राउ पर्नेमा सिन्धुली दुधौली घर भई हाल ललितपुरको सातदोवाटो बस्ने मनोज थापा र महोतरी घर भई सातदोवाटो नै बस्ने चित्र वहादुर बुर्जा रहेको बृतका प्रहरी नायव उपरिक्षक अपिल बोहराले जानकारी दिनुभयो ।
पक्राउ परेका मनोज थापाका साथबाट ५ थान नुर्फिन , ५ थान डाइर्एजेल्याव र फेनारगन ५ थान फेला परेको र चित्र वहादुर बुर्जाका साथबाट ८१ थान नुर्फिन , ८१ थान डाइर्एजेल्याव र फेनारगन ८१ थान बरामद गरिएको उहाले जानकारी दिनुभयो ।
पक्राउ परेका व्यक्तिका बिषयमा थप अनुसन्धान भईरहेको प्रहरीले जनाएको छ ।
प्रतिक्रिया दिनुहोस्