काठमाडौं ३ असार । चिनियाँ कम्युनिष्ट पार्टीका नेताहरूले नेपालमा राजनीतिक भेटघाटलाई निरन्तरता दिएका छन् । चिनियाँ कम्युनिष्ट पार्टीको विदेश विभागमा नेपाल हेर्ने राजनीतिक प्रमुखसहितको टोलीले दलका नेताहरूसँग भेट गरेका हुन्।

आइतबार दिउँसो नेकपा एमालेको केन्द्रीय कार्यालय च्यासल पुगेर चिनियाँ नेतृ छु मिन सहितका चिनिँया नेताहरूले अध्यक्ष केपी शर्मा ओली लगायतसँग भेट गरेका छन्।

उनीहरूबीच शिष्टाचार भेटघाट भएको एमाले कार्यालयले जनाएको छ। भेटवार्ता ओलीका साथमा उपध्यक्ष विष्णु पौडेल, उपमहासचिव विष्णु रिमाल र विदेश विभागकी सदस्य अन्जान शक्य सहभागी थिए ।

चिनिया टोलीले राष्ट्रिय प्रजातन्त्र पार्टी का अध्यक्ष राजेन्द्र लिङ्देनसहितका नेताहरूसँग पनि उनीहरूले भेट गरेका छन्। उनीहरूबीच राप्रपा केन्द्रीय कार्यालयमा भेट भएको प्रचार विभाग प्रमुख मोहन कुमार श्रेष्ठले जानकारी दिए।

उनका अनुसार भेटमा नेपाल चीन सम्बन्ध, दुई पार्टी बीच सम्बन्ध विस्तार, भूराजनीतिक परिस्थिति लगायतका विविध विषयवस्तुमा छलफल भएको छ।