काठमाडौं ५ असार । नेकपा (माओवादी केन्द्र) समेतका चार वटा दलको समाजवादी मोर्चा बनेपछि राजनीतिक क्षेत्रमा टिकाटिप्पणी शुरु भएको छ । यो मोर्चाको भय सवैभन्दा बढी एमालेमा देखिएको छ । मोर्चा नवन्दै एमाले अध्यक्ष केपी शर्मा ओलीले लिभिंग टुगेदर चलेकै थियो किन चाहियो मोर्चा भन्ने टिप्पणी गरेका थिए । ओलीले भन्दा चर्को रुपमा एमाले सचिव योगश भट्टराईले चर्को रुपमा मोर्चाको आलोचना गरेका छन् ।
योगेश भट्टराईले सामाजिक सञ्जालमा लेखेका छन् – ‘नेत्रबिक्रम चन्द नेतृत्वको माओवादीदेखि उपेन्द्र यादब नेतृत्वको जसपा अनि विचमा प्रचण्ड र माधब नेपाल ।
नाम समाजबादी मोर्चा ।
समाजवादमा पुग्ने क्रान्तिको बाटो, समाजवादी राज्यको चरित्र, क्रान्तिका मित्र र शत्रु, क्षेत्रीय र अन्तरास्ट्रिय शक्तिलाई हेर्ने विश्व दृष्‍टिकोण, २००७, २०४६, २०६२र ६३ का क्रान्ति र तिनलाई हेर्ने दृष्‍टिकोण, आजको संविधानलाई हेर्ने दृष्‍टिकोण लगायतमा वहाँका विचमा एकरुपता छ ?
एसो हेर्दा भविष्य छोटो भएकाहरुको एडल्ट क्लब जस्तो । जहाँ ईतिहासको बखान हुन्छ तर भविष्यको कुनै सपना हुँदैन । हेर्दे जाऊं ।’

योगेश भट्टराइलाई एकजना फेसबुक प्रयोगकर्ताले उनकै स्टाटसमा टिप्पणी गर्दै भनेका छन् बा को कलाविहीन चाकडी । ती टिप्पणीकर्ता केशव घिमिरेले भट्टराईलाई भन्छन् –
‘एमालेलाई राम्रो सम्हानु नि,बा लाई खुसी पार्न कलाविहिन हिसाबले गरेको चाकडी ,बा को स्तुति गान र भक्ती भाव प्रदर्शनले मधेसको इञ्चार्ज भए पछि र दक्षिणतिर साधुहरु मार्फत बनाएको भारतीय लाइनले साउथ ब्लकका पेटी कण्याक्टरहरुसम्म मात्रै पुग्न सक्नुहुन्छ ।बा भक्तीभावको अहिलेसम्मको पहुँच ूरू का पेटी कण्ट्याक्टरसम्म मात्रै हो ।त्यसकारण आफ्नो धरातल नविर्सि कृत्रिम भएपनि बा भक्ति र भारत भक्ति देखाउन यसरी गाली गरिरहन पर्छ कामरेड । अझै गाली का गहकिला शब्द खोजेर हानीरहनुस ,बा का अरु अनुयायीहरु भन्दा कमजोर गाली नगर्नु फेरि फिर्ता बोलाउन मधेसबाट ।तिखो तिखो प्रहार गर्ने शब्द खोज्नु ।’
प्रधानमन्त्री सचिवालयका मिडिया विज्ञ मनहरि तिमिल्सिेना टिप्पणी गर्छन् – ‘दाजुका दुख नि अनिगिन्ती छन्। कहिले अति देवत्वकरण, कहिले राक्षसीकरण। टोपबहादुर कमरेड पनि पहिला यस्तै हुनुहुन्थ्यो।’ अर्का टिप्पणीकर्ता विजय गौतम थप्छन् – ‘७० वर्ष हटाउनेहरुले “एडल्ट कल्ब” भन्दा कौवाको याद आयो ।समाजवाद’ आफैमा कुनै इतिहासको बखान हैन, यो यात्रा हो । स्वर्णिम भविष्य हो । सहिदको सपना हो ।’