काठमाडौं २० असार । बाढी र पहिरोका कारण हाल पाँचवटा सडकखण्ड अवरुद्ध भएका छन् । सडक विभागका अनुसार आज बिहान ६ः१५ बजेको तथ्यांकअनुसार देशभरका पाँचवटा सडकमा सवारी आवगमन ठप्प छ ।
कोसी राजमार्गको हाइटार, संखुवासभामा सवारी आवगम अवरुद्ध भएको छ । पाँचथरको तमोर करिडोरको माझीटार–हेवाखोलामा सडक अवरुद्ध भएको सडक विभागले जनाएको छ ।
तानसेन–रिडी–कोरला राजमार्गको नौनी बगर, तातोपानी क्षेत्रमा तथा डुम्रे–बेशीसहर–चामे सडकखण्डको मनाङमा सडक अवरुद्ध भएको सडक विभागले जनाएको छ ।
विभागका अनुसार एकतर्फी अवरुद्ध भएका सडकको संख्या १३ छ । अवरुद्ध भएर खुलेका सडकको संख्या ५४ रहेको सडक विभागले जनाएको छ ।
यो वर्ष हालसम्म ७२ वटा सडकखण्ड अवरुद्ध भइसकेका छन् ।
प्रतिक्रिया दिनुहोस्