काठमाडौं ३ साउन, । प्रधानमन्त्री पुष्पकमल दाहाल प्रचण्ड पत्नी शोकको सात दिन पछि आजबाट सबै प्रकारका सार्वजनिक कार्यक्रममा पूर्ववत रुपमा सहभागी हुने भएका छन
। आज प्रचण्डले गोरखा पुगेर बुढीगण्डकी जलासययुक्त जलविद्युत आयोजनाको फिल्ड कार्यालय उदघाटन गर्ने कार्यक्रम रहेको छ ।

प्रधानमन्त्री प्रचण्ड बिहान ११ बजेपछि गोरखा प्रस्थान गर्ने कार्यक्रम रहेको उनको सचिवालयले जनाएको छ । त्यसअघि प्रधानमन्त्री प्रचण्ड प्रज्ञा भवन कमलादीमा आयोजित एक कार्यक्रमलाई सम्बोधन गर्नेछन् ।

विहान ९ बजे मन्त्रीपरषद्को बैठकले एक हप्तामा भएका मन्त्रालयगत काम कारबाहीका बारेमा प्रधानमन्त्रीले समीक्षा लिएका छन् ।

गत असार २७ गते प्रचण्ड पत्नी सीता दाहालको निधन भएको थियो । त्यसयता प्रचण्ड सार्वजनिक कार्यक्रममा सहभागी भएका थिएनन् ।अति जरुरीका काममा भने निवासबाटै निर्देशन दिने र व्रिफिंग लिने गरेका थिए ।