काठमाडौं ८ साउन । नेपाली कांग्रेसका महामन्त्री गगन थापाले भ्रष्टाचार नियन्त्रण र सुशासनबारे १३ बुँदे लिखित धारणा सभापति शेरबहादुर देउवालाई बुझाएका छन्।
सोमबारको केन्द्रीय समितिमै महामन्त्री थापाले १३ बुँदे लिखित धारणा सभापति देउवालाई बुझाएका हुन्।
पार्टीको विचार, सिद्धान्त र निष्ठामा आँच आउने कुनै काम हुँदा पार्टीको सार्वजनिक छविमा असर परिरहेको महामन्त्री थापाको भनाइ छ।
‘भ्रष्टाचार र कुशासनले सरकार, राजनीतिक दल, नीति निर्माता, कर्मचारीतन्त्रलगायत राज्यका निकायप्रति जनताको असन्तुष्टि, आक्रोश र वितृष्णा छ,’ थापाले सभापति देउवालाई बुझाएको लिखित धारणामा उल्लेख छ, ‘यस प्रवृत्ति विरूद्ध पछिल्ला दिनमा प्रतिरोध प्रारम्भ भएको छ। जुन जायज र स्वभाविक छ।’
प्रतिक्रिया दिनुहोस्