काठमाडौं, २२ माघ । इङ्गिलस प्रिमियर लिग फुटवलमा लिभरपुल टोटनह्यामसंग २–२ को बराबरीमा रोकिएको छ ।
लिभरपुलले २ पटक लिएको अग्रता जोगाउन नसक्दा अंक बाड्न बाध्य भयो । तेस्रो मिनेटमै मोहम्मद सलाहले गोल गरेपछि लिभरपुलले ८० औं मिनेटसम्म १ शुन्यको अग्रता लिएको थियो । ८० औं मिनेटमा टोटनह्यामका न्युयामाले बराबरी गोल फर्काए ।
खेलको इन्जुरी समयमा सलाहले नै गोल गर्दै फेरि लिभरपुललाई अग्रता दिलाए तर खेलको अन्तिम समयमा पेनाल्टीबाट गोल गर्दै ह्यारी केनले टोटनह्यामलाई बराबरीमा पुर्याए । केनको प्रिमियर लिगमा यो एक सयौ गोल हो ।
केनले त्यसअघि पाएको पेनाल्टीमा भने गोल गर्न सकेका थिएनन् । केनको प्रहार लिभरपुलका गोल किपर लोरिस कारियसले बचाएका थिए । ५१ अंकसहित लिभरपुल अंक तालिकाको तेश्रो र २ अंक कम भएको टोटनह्याम चौथो स्थानमा छ ।
प्रतिक्रिया दिनुहोस्