काठमाडौं, ८ भदौ । प्रधानमन्त्री पुष्पकमल दाहाल प्रचण्डले वर्तमान सरकार ढाल्न केही व्यक्तिहरू धूप हालेर हिँडेको बताएका छन् ।
शुक्रबार पर्साको वीरगञ्जमा समाजवादी मोर्चाले आयोजना गरेको सन्देश सभालाई सम्बोधन गर्दै प्रधानमन्त्री प्रचण्डले विभिन्न प्रकरणको फाइल खोल्नेदेखि विभिन्न क्षेत्रमा सरकारले राम्रा काम गरेकाले केहीले सरकार ढाल्ने प्रयास गरेको बताए ।
उनले अब आफूलाई मुलुकका लागि राम्रोबाहेक अरू केही नभएको बताए । जीवनको उत्तरार्धमा राम्रो काम गरेर नेपाली जनताले सम्झनलायक काम गर्ने विचार रहेको भन्दै प्रचण्डले देशका लागि राम्रा काम गरेर ढुक्कसँग मर्ने रहर मात्रै रहेको बताए ।
प्रधानमन्त्री प्रचण्डले समाजवादी मोर्चालाई सुदृढ गर्दै मोर्चाले समाजवादीको क्रान्ति गर्ने पनि बताए ।
प्रतिक्रिया दिनुहोस्