काठमाडौं, ११ भदौ, । प्रधानन्यायाधीश विश्वम्भरप्रसाद श्रेष्ठले सर्वोच्च अदालतमा न्यायिक सुशासनको सुरुवात भएको बताएका छन् ।

आजदेखि सर्वोच्च अदालतमा सुरु भएको पेसी तारिख अटोमेसनको शुभारम्भपछि सञ्चारकर्मीसँग दिएको प्रतिक्रियामा प्रधानन्यायाधीश श्रेष्ठले न्यायिक सुशासन प्रारम्भ भएको बताए ।

पेसी तारेख अटोमेसनको शुभारम्भपछि प्रधान्यायाधीश श्रेष्ठले भने, “न्यायिक सुशासनका लागि राम्रो सुरुवात भएको मैले महसुस गरेको छु ।”

उनले अटोमेसनले कर्मचारी र न्यायाधीशमा पनि आत्मविशवास बढाउने विश्वास व्यक्त गरे ।

“पेसी व्यवस्थापनको कडी हो यो । तारिक समन्वयबाट सुरुवात गर्‍यौं हामीले,” प्रधानन्यायाधीश श्रेष्ठले भने, “हाम्रा कर्मचारीहरूले उच्च मनोबल राखेर निर्धक्कसँग काम गर्न यसले सहयोग गर्छ भन्ने मलाई अनुभूति भएको छ ।”

पेसी तारिख अटोमेसन सञ्चालनका लागि काम गरेका न्यायाधीशद्वय अनिलकुमार सिन्हा र नहकुल सुवेदीसहित आइटी टिममा बसेर काम गरेकाहरूलाई प्रधानन्यायाधीश श्रेष्ठले धन्यवाद दिए ।

उनले सर्वोच्चको आफ्नो जनशक्तिबाटै सफ्वेर निर्माण भएको भन्दै भोलिका दिनमा कुनै समस्या आएमा समाधान हुने बताए ।

पेसी तारिख व्यवस्थापनसँगै कर्मचारीले आफू निकटका लागि अनुकूलमा अगाडिरपछाडि पेसी सारिदिने र कर्मचारी प्रशासनमा पहुँच नहुनेहरूलाई प्रतिकूल हुने अवस्थाको अन्त्य हुने विश्वास गरिएको छ । अब सेवाग्राहीले ल्याएको रिट निवेदन÷पुनरावेदन निवेदनसहितका मुद्दामा दर्तासँगै स्वतः पेसीरतारिखको मिति पाउनेछन् ।