काठमाडौं, २४ माघ । दुई सिटका लागि भएको राष्ट्रियसभा सदस्य निर्वाचनमा प्रदेश नं. ७ बाट वाम गठबन्धनका दुबै उम्मेदवार विजयी भएका छन् ।

बुधबार सम्पन्न निर्वाचनमा दलित सदस्य र अपांग वा अल्पसंख्यक सदस्यमा वाम गठबन्धनका उम्मेदवार विजयी भएका हुन् ।

दलित सदस्यमा एमालेका चक्रप्रसाद स्नेही र अपांग वा अल्पसंख्यक सदस्यमा नेकपा माओवादी केन्द्रका महेशकुमार महरा विजयी भएका निर्वाचन कार्यालयले जानकारी दिएको छ ।

प्रदेश ७ बाट राष्ट्रियसभा सदस्यका लागि निर्वाचित हुने ८ सदस्यमध्ये ६ जना यसअघि नै निर्विरोध निर्वाचित भइसकेका छन् ।

७ बाट राष्ट्रियसभा सदस्यमा निर्वाचित उम्मेदवारहरु:

अल्पसंख्यक र अपांगतर्फ

महेशकुमार महरा (माओवादी / प्राप्त मतभार ३,७०८० )
दलिततर्फ चक्रप्रसाद स्नेही (एमाले / प्राप्त मतभार ३,७०८०)

प्रदेश ७ मा निर्विरोध निर्वाचित भएकाहरु

तारादेवी भट्ट (कांग्रेस)
कमला ओली (एमाले)
इन्दु कडेरिया विष्ट (एमाले)
बद्रीप्रसाद पाण्डे (कांग्रेस)
शेरबहादुर कुँवर (एमाले)
हरिराम चौधरी (माओवादी)