बाजुरा १३ भदौ ।  सुदुरपश्चिमको  धार्मिक तथा पर्यटकीय बडीमालिका मन्दिरको दर्शनका  लागि गएका दुइ  जना तिर्थयात्रीको मृत्यु भएको छ ।मृत्यु हुनेमा कालिकोट जिल्ला पलाता गाउँपालिका–१ का धनप्रसाद न्यौपानेको   ११ गते  सुर्खेतमा उपचारका क्रममा मृत्यु भइसकेको थियो भने   मंगलवार राती ८ बजे  त्रिवेणी नगरपालिकाका–१ का २३ वर्षीय भरत बुढाको लेक लागेर मृत्यु भएको छ ।

बडीमालिकाको दर्शनका लागि गएका   न्यौपाने   अक्सिजन अभावका कारण घाइते भएका  अवस्थामा भेटिएपछि दुर्गाभञ्जन गुल्म बाजुराले तिर्थयात्रीका लागि संचालन गरेको मेडिकल क्याम्पसमा उपचारका गर्दा यहाँ उपचार संभ नहुदाँ  सेनाको हेलिकप्टर मार्फत  सुर्खेत लिएका थिए । सुर्खेतमा  उपचारका क्रममा मृत्यु भइसकेको हो  । त्रिवेणी नगरपालिका वडा १ का २३ वर्षिय  बुढालाई अक्सिजन अभावका कारण ढलेर अचेत अवस्थामा भेटिएपछि दुर्गाभञ्जन गुल्म बाजुराले तिर्थयात्रीका लागि संचालन गरेको मेडिकल क्याम्पसमा उपचारका क्रममा मंगलबार राति ८ बजेर ४२ मिनेटमा मृत्यु भएको जानकारी  जिल्ला प्रहरी कार्यालय बाजुराले जनाएको छ ।

अक्सिजन अभावका कारण एक महिलाको सेनाको मेडिकलमा उपचारमा राखिएको छ । अक्सिजन अभावका कारण कैलाली जिल्ला अत्तरिया घर भएकी ६३ वर्षीया इश्वरी बोहरा रहेकी छन् ।  उनलाइ  लेक लागेर अक्सिजन अभाव भएपछि विरामी भएको  बताए ।   बडीमालिकाको त्रिवेणीमा मृत्यु भएको बुढा र सिकिस्त विरामी  बोहरालाई ल्याउनका लागि नेपाली सेनाको हेलिकप्टरको लागि पहल भइरहेको जिल्ला प्रशासन कार्यालय बाजुराकाले बताएका छन्।

तिर्थयात्रा गएका बुढा र विरामी बोहरालाई सेनाको हेलिकप्टर मार्फत ल्याउने गरी गृह मन्त्रालयसंग पहल भइरहेको जानकारी आएको उनले बताए । ।