काठमाडौं, १५ भदौ । नेकपा माओवादी केन्द्रका उपाध्यक्ष अग्नि सापकोटाले नेपालको चुच्चे नक्सा बुच्चे बनाएको विषयमा आगामी भदौ अन्तिममा हुने भ्रमणका क्रममा प्रधानमन्त्री पुष्पकमल दाहाल प्रचण्डले चीनसँग कुरा उठाउने बताएका छन्।

भारतको अतिक्रमणमा परेको लिपुलेक, लिम्पियाधुरा र कालापानीलाई समेटेर जारी गरेको नक्साको चुच्चे भाग गायब हुने गरी चीनले नयाँ नक्सा निकालेको सन्दर्भमा सापकोटाले यस्तो बताएका हुन्।

नेपालको चुच्चे नक्सा बुच्चे देखाइदिएपछि बालेन्द्रले रद्द गरे चीन भ्रमण

नेपालले २०७७ जेठ ७ गते निकालेको उक्त नक्साको चुच्चो भाग अहिले चीनले निकालेको उसको नक्साबाट गायब गरिएपछि विरोध भइरहेका बेला सापकोटा बोलेका हुन्।

‘चीनले जारी गरेको नक्साबारे किन त्यस्तो भयोरु के कसरी भयोरु हाम्रो धेरै महत्वपूर्ण विषयलाई नसमेटेकोमा कूटनीतिक माध्यमबाट कुरा गर्छौँ’, उनले भने, ‘चुच्चे नक्साबारे पहिलेको सरकारले पनि चीनलाई जाकारी दिउको भन्नेछ। चुच्चे नक्सा हराएकोबारे प्रधानमन्त्रीले भ्रमणका क्रममा चीनसँग कुरा राख्नु हुन्छ।’

चीनले जारी गर्‍यो नयाँ नक्सा, पूरै अरुणाचल र दक्षिण चीन सागरमा दाबी
अगस्ट २१ मा चीनको प्राकृतिक स्रोत मन्त्रालयले ‘चीनको आधिकारिक नक्साको २०२३ संस्करण’ प्रकाशित गर्दा छिमेकी नेपाललाई बुच्चे देखाइएको थियो।

त्यसलाई लिएर भारत र चीन दुवै नेपालका मिचाहा छिमेकी भन्दै सामाजिक सञ्जालमा आलोचना भइरहेको छ। यसबारेमा अहिलेसम्म सरकारले औपचारिक धारणा पनि सार्वजनिक नगरेको अवस्था छ।