काठमाडौं, १८ भदौ । नेकपा एमालेको लुम्बिनी प्रदेश अध्यक्षका उमेदवार हरि रिजालविरुद्ध उजुरी परेको छ ।
राजुप्रसाद श्रेष्ठले रिजालको सदस्यता लुम्बिनी प्रदेशको सदस्यता सूचीमा नाम नरहेको भन्दै उमेदवारी खारेज गर्न माग गरेका छन् ।
“लुम्बिनी प्रदेश कमिटीको अध्यक्ष पदमा उमेदवारी दिएका हरिप्रसाद रिजालको लुम्बिनी प्रदेशअन्तर्गत रहेको सदस्यता सूचीमा नाम समावेश नदेखिएको हुँदा पार्टीको यो प्रदेश सदस्य नै नभएको व्यक्ति अधिवेशन प्रतिनिधि हुन र उमेदवार हुन नमिल्ने भएकाले उमेदवारी खारेज गरिपाउँ,” उजुरीमा भनिएको छ ।
एमाले लुम्बिनी प्रदेश अधिवेशनमा अहिले उमेदवारविरुद्ध उजुरीको समय दिइएको छ । प्युठानका रिजाल केन्द्रीय सदस्य हुन् । लुम्बिनी अध्यक्षका लागि राधाकृष्ण कँडेल पनि अध्यक्षको उमेदवार छन् ।
प्रतिक्रिया दिनुहोस्