काठमाडौं, २१ भदौ । नेपालमा ४१ लाख बढी कृषक परिवार रहेको तथ्यांक सार्वजनिक भएको छ । राष्ट्रिय कृषिगणना २०७८ का अनुसार नेपालमा ४१ लाख ३० हजार ७८९ परिवार कृषक रहेका छन् ।
उनीहरुले २२ लाख १८ हजार ४१० हेक्टर जग्गामा कृषि कार्य गरेका छन् । अघिल्लो दशकमा भन्दा कृषक परिवार बढेको देखिएको छ । २०६८ को कृषि गणनाअनुसार नेपालमा ३८ लाख ३१ हजार ९३ परिवार कृषक रहेका थिए ।
त्यसैगरी नेपालमा जम्मा घरपरिवारमध्ये ६२ प्रतिशत कृषक परिवार रहेको पाइएको छ । यो भने अघिल्लो गणनाभन्दा घटेको पाइएको छ । अघिल्लो गणनामा ७१ प्रतिशत कृषक परिवार थिए ।
प्रतिक्रिया दिनुहोस्