काठमाडौं, २१ भदौ । राप्रपाका महामन्त्री धवलशमशेर जबराले कांग्रेसका सहमहामन्त्रीलाई बुधबार आफ्नै अगाडि खुकरी प्रहार गरिएको बताएका छन् । उनले तर खुकुरी प्रहार गर्ने व्यक्ति आफूहरुको पार्टीको नभई हिँसाको राजनीतिलाई आफूहरुले कहिले पनि विश्वास नगर्ने बताएका छन् ।
“हिजो रिपोर्टस क्लबमा एउटा व्यक्तिले मेरै आँखा अगाडि कांग्रेस नेता महेन्द्र यादवमाथि खुकुरी हान्यो,” उनले भने, “प्रहरीले समातेपछि नारा लगायो । नारापछि राप्रपालाई आक्षेप लगाइयो ।
महेन्द्रजीले बोल्दा पनि भित्रै विरोध जनाइरहेका थिए । यसमा हामी दुःख व्यक्त गर्न चाहन्छौँ । हिंसाको राजनीतिमा हामी विश्वास गर्दैनौँ । त्यो व्यक्ति हाम्रो पार्टीसँग संलग्न छैन । कडाभन्दा कडा कारबाही हुनैपर्छ ।”
प्रतिक्रिया दिनुहोस्