काठमाडौं,२४ भदौ । ललितानिवास जग्गा प्रकरणमा थुनछेक बहस सकिएको छ । जिल्ला अदालत काठमाडौंका न्यायाधीश भोलानाथ ढकालको १३ नम्बर इजलासमा भएको सात दिन लामो बहस आज सकिएको हो । अघिल्लो आइतबारदेखि थुनछेक बहस सुरु भएको थियो ।
आइतबार र सोमबारको चिया ब्रेकअघिसम्म सरकारी वकिलले बहस गरे भने सोमबारको चिया ब्रेकपछि प्रतिवादीतर्फका वकिलहरुको बहस थालेका थिए ।
गत बुधबार सार्वजनिक बिदाका कारण अदालत बिदा थियो । त्यसयता निरन्तर सुनवाइपछि बहस सकेर आज आदेशको तयारी भएको हो ।
जिल्ला अदालतका श्रेस्तेदार कोशलेश्वर ज्ञवालीले आज ४ बजे नै आदेश आउने जानकारी दिए ।
प्रतिक्रिया दिनुहोस्