काठमाडौं, २६ भदौ ।  नाडा अटो शो–२०२३ सुरू भएको छ। अर्थमन्त्री डा: प्रकाशशरण महतले अटो शोको समुद्घाटन गरेका हुन्।

नाडा अटोमोबाइल्स एसोसिएसन अफ नेपालका अध्यक्ष धुब्र थापाले ३ वर्षपछि शो सुरू भएको बताए। गत वर्ष सरकारले आयातमा प्रतिबन्ध लगाउँदा नाडा इभी एक्स्पो मात्रै गरिएको उनले बताए।

थापाले आयातमा आधारित अटो व्यवसाय उत्पादनमा आधारित भइरहेको बताए। उनले दुईपांग्रेसँगै चारपांग्रे, इन्जिन आयल, ब्याट्री र पार्टस् उत्पादन भइरहेको पनि उद्घाटन सत्रको सम्बोधनका क्रममा भने।

उनले सरकारले विद्युतीय गाडीमा आफ्नै नीति विपरित हरेक वर्ष कर बढाउने गरेको छ। उनले सरकारलाई हायरप्रचेज कर्जा सहज बनाउन आग्रह गरेका छन्।

अटो शोका सभापति अनुप बरालले दुईपांग्रे, चारपांग्रे, अटो पार्टस् लगायतका स्टल सहभागी रहेको बताए। ६ दिनसम्म अटो शो चल्ने बताए।

नेपाल उद्योग वाणिज्य महासंघका अध्यक्ष चन्द्र ढकालले सरकारी निकयबीच समन्वय नभएको बताए। उनले निजी क्षेत्रका सुझाव कहिल्यैनसुनेको र सधैं माग राखेको सोचाइ देखिएको बताए।

नेपाल चेम्बर्स अफ कमर्सका अध्यक्ष राजेन्द्र मल्लले अर्थतन्त्र चलायमान बनाउन सहयोग पुग्ने बताए। नेपाल उद्योग परिसंघका अध्यक्ष राजेन्द्र अग्रवालले निजी क्षेत्रको मनोबल घटेकाले बढाउनेगरी नीति बढाउनु पर्ने बताएको छ।

नाडा अटो शो समुद्घाटन कार्यक्रममा अर्थमन्त्री प्रकाशशरण महतले अर्थतन्त्रको समस्या समाधान हुँदै गएको बताएका छन्।