काठमाडौ १७ अुसोज । पृथ्वीराजमार्ग अन्तर्गत धादिङको गजुरी गाउँपालिका(२ फुर्केखोलामा आज बिहान ट्रकले ठक्कर दिँदा दुई जना विद्यार्थीको ज्यान गएको छ । काठमाण्डौबाट मुग्लिनका लागि छुटेको प्रदेश ०२–००१ख ६४१३ नम्बरको ट्रकले उनीहरुलाई ठक्कर दिएको हो ।
दुर्घटनामा बागेश्वरी मावि मलेखुमा कक्षा ८ को कोचिङ कक्षा पढ्न जाँदै गरेका सिद्धलेक गाउँपालिका वडा नम्बर ६ का १४ वर्षीय निर्मल श्रेष्ठ र १४ वर्षीय सञ्जीव श्रेष्ठको ज्यान गएको हो ।उनीहरुको घटनास्थलमै ज्यान गएको जिल्ला प्रहरी कार्यालय धादिङका प्रहरी उपरीक्षक सूचना अधिकारी सन्तुलालप्रसाद जैसवारले जानकारी दिए।ट्रक चालकलाई प्रहरीले पक्राउ गरेको छ । दुर्घटनापछि आक्रोशित मृतकका आफन्त तथा स्थानीय बासिन्दाले राजमार्ग अवरुद्ध गरेका छन् ।
प्रतिक्रिया दिनुहोस्