काठमाडौं २३ असोज । हमासको आक्रमणपछि इजरायलमा बंकरभित्र बसिरहेका एक नेपाली विद्यार्थीले उद्धारको अपिल गर्दै प्रधानमन्त्री पुष्पकमल दाहाल प्रचण्डलाई पत्र लेखेका छन्।
कास्कीको अन्नपुर्ण गाउँपालिका९२ घर भई हाल इजरायलको युद्धग्रस्त क्षेत्रमा बंकरभित्र बसेर ज्यान जोगाइरहेका विद्यार्थी सुरज भण्डारीले प्रधानमन्त्रीलाई पत्र लेख्दै आफूहरुलाई तुरुन्तै उद्धार गरेर नेपाल फर्काउन आग्रह गरेका हुन्।
‘आदरणीय प्रधानमन्त्री ज्यू, अबको हाम्रो आशा पनि तपाईं नै हो, भरोसा पनि तपाईं नै हो,’ उनले पत्रमा लेखेका छन्, ‘यो दुई देश बीचको युद्धको चपेटामा परेर ज्यान गुमाउन मन छैन, हामीलाई हाम्रो देश आउने वातावरण मिलाइदिनुहोस्। हामी देशमा नै रमाउने छौँ।’
उनले सरकारले उद्धार गर्छ भन्ने विश्वासमा आफूहरूको सास रोकिएको उल्लेख गर्दै तत्काल उद्धार गरिदिन आग्रह गरेका छन्।
प्रतिक्रिया दिनुहोस्