काठमाडौं,२९ असोज । नेकपा माओवादी केन्द्रले कोसी प्रदेशका मुख्यमन्त्री केदार कार्कीलाई विश्वासको मत दिने तयारी गरेको छ ।
यस विषयमा सोमबार बसेको पार्टीको प्रदेश कमिटीमा छलफल भएको छ । मत दिने नदिनेबारे माओवादीको संसदीय दलको निर्णय हुन भने बाँकी छ ।
माओवादी केन्द्र प्रदेश अध्यक्ष हर्कबहादुर नेम्वाङले कार्कीलाई विश्वासको मत दिने विषयमा बैठकमा छलफल भएको बताए । कार्कीले बुधबार प्रदेशसभाबाट विश्वासको मत लिन सोमबार सूचना दर्ता गराएका छन् ।
शनिबार संविधानको धारा १६८ को उपधारा ५ अनुसार एमालेका ३९ र कांग्रेसक८ जना सांसदको समर्थनमा कार्की मुख्यमन्त्री नियुक्त भएका थिए ।
गठबन्धनले माओवादी केन्द्रका इन्द्र आङ्वोलाई मुख्यमन्त्रीमा अघि सारेपछि कार्की एमालेका सांसदको साथ लिएर मुख्यमन्त्री बनेका हुन् ।
प्रतिक्रिया दिनुहोस्