काठमाडौं, १ कार्तिक । कोसी प्रदेशसभाबाट मुख्यमन्त्री केदार कार्कीले आज विश्वासको मत लिँदैछन् । सभाको बैठक केहीबेरमा सुरु हुँदैछ । बैठकमा नेकपा एमाले र कांग्रेसका सांसद सत्तापक्षको लहरमा बसेका छन् ।
माओवादी केन्द्र, एकीकृत समाजवादी, राप्रपा र जसपाका सांसद विपक्षीको लहरमा छन् । कोसीका मुख्यमन्त्रीलाई जसपा र राप्रपाबाहेक सबै दलले विश्वासको मत दिने तय भएको छ ।
सभामा कांग्रेसका २९ र एमालेका ३९ सांसद छन् ।
कार्की एमालेका ३९ र कांग्रेसका ८ सांसदको समर्थनमा संविधानको धारा १६८ को उपधारा ५ अनुसार मुख्यमन्त्री नियुक्त भएका हुन् ।
प्रतिक्रिया दिनुहोस्